ای گوزل آموزگار مکتب قرآن حسین #حسینیه_حسینی_زنجانی

در مقام امام حسین (ع)
..
..
..
..
حسینی زنجانی
..
..
..
..
ای گوزل آموزگار مکتب قرآن حسین
ایلین اوز عشقینه عالملری حیران حسین
..
..
..
..
سندن آلموش درس حریت بتون آزاده لر
اسم پاکیندن سنون الهام آلار دل داده لر
آستانیندن ئوپر صبح و مسا شهزاده لر
سسلنللر آلتی گوشه قبریوه قربان حسین
..
..
..
..
کشور عشقه ازل گوندن سنن سلطان عشق
باغلیوبسان قادر غفاریله پیمان عشق
اولموسان عشاق ایچینده صاحب عنوان عشق
وار الینده عشقوین اثباتینه برهان حسین
..
..
..
..
هانسی عاشقدی اولا سربازی طفل شیرخوار
زمرۀ عشّاقیده کیمدی سنون تک جان نثار
آفرینشده حسین سنسن حبیب کردگار
شأنیوی ایلر صراحتله بیان فرقان حسین
..
..
..
..
تا دیدون هیهات منا الذّلة اى شاه حجاز
بو شعارونله هامی احبابی ایتدون سرفراز
پاکباز عاشقلره اول سوز ایدوبدی کشف راز
ایلدون بیر جمله ده برنامه وی اعلان حسین
..
..
..
..
نهضتین عز و شرف ویرموش حسین انسانلارا
انقلابین زنگ بیداری اولوب وجدانلارا
شور عشقوندی محرک سرخ رگده قانلارا
آچموسان عشّاقه باب حکمت و عرفان حسین
..
..
..
..
سنسن احراره ایکی عالمده مولا اوستاد
شیعه لر یکسر مریدوندی سنن باب مراد
دولتون عالی مرامون تا ابد پاینده باد
تا جهان باقیدی واردی عالم امکان حسین
..
..
..
..
راد مرد آزاده انسانلاره مولا شاه سن
سن یگانه عدل گسترسن عدالت خواه سن
خصم ظالم یاور مظلوم ثارالله سن
درگهوندی کعبۀ آمال محرومان حسین
..
..
..
..
ای ویرن زیبا آدی قلب احبّایه صفا
وی اولان هر دردمنده قانلی توپراقی دوا
هر مریضه کربلاسی ای اولان دارالشّفا
بیر اشاریله هامی درده ایدن درمان حسین
..
..
..
..
کوی عشقینده سنون من عاشق دیوانیم
آتش عشقه یانان سرگشته بیر پروانیم
روسیه بیر نوکرم سانما منی بیگانیم
قلبیمی یاندیردی آخر آتش هجران حسین
..
..
..
..
پشت در ده ساخلاما بیر بیله زوّارین شها
سن سخی بیر شاه سن من بیر گدای بینوا
آز قالوبدی تربتون قورتارسون ایولردن آقا
باغلانان یولاری آچ ای سرور دوران حسین
..
..
..
..
آز قالور عمریم قوتارسون کربلانی گورمدیم
قبرین آغوشه چکوب خاک شفانی گورمدیم
بیر مزار ایچره یاتان اوچ مه لقانی گورمدیم
آغلارام شام و سحر باغریم اولوبدی قان حسین
..
..
..
..
یا حسین ایسته حسینی قبریوه مهمان گله
آستانون ئوپمگه بیر دفعه بو نالان گله
دردینه سندن حسینجان آلماقا درمان گله
اوخشیوب اوردا دیه جانیم سنه قربان حسین
..
..
..
..

#حسینیه #حسینی_زنجانی #حسینیه_مدح #ترکی #زبدةالاشعار