حسین شمس هدادور #حسینیه_یحیوی_اردبیلی

بحر طویل
در اوصاف حضرت سیدالشهدا (ع)
..
..
#سبک
با صدای امین مقدم
..
..
مرحوم یحیوی اردبیلی
..
..
..
..
حسین شمس هدادور
ذبیحاً بقفادور
رئیس شهدادور
حسین پنج تن ایچره
گل اهل کسادور
..
.
اونون تربت پاکی هامی درده دوادور
هامی شاهلار حسینون قاپوسندا گدادور
او یر که وطن ایتمش آدی کرب و بلادور
عجب عالی بنادور اونون سقفی طلادور
همان قبه نون آلتدا برآورده دعادور
..
..
..
..
..
..
در قبله ده موسی سر صحنده عیسی
اونون کفش کنین ده دوران حضرت یحیی
..
رواقنده مجاور ملک صفاً وصفا
سوپورور حرمینون یئرین طرّه ی حورا
..
سیلر قبر شریفون توزون مریم و سارا
طلا قبّه دن هرگون سحر نور آلو بیضا
..
سپر عطر بهشتی ضریح أوستنه لعیا
مناره باشی اوسته اسر پرچم خضرا
..
قزل قان کیمی ایوان گیوب جوشن حمرا
محرملر اولاندا گلور حضرت زهرا
..
کسلمیش بوغازیندان حسینون اوپر ای وا
توکر گوزیاشی اولسون یاراسینه مداوا
..
او صدیقه ی کبری او انسیۀ حورا
دییر محشر اولونجاق ئولن الده حسین وا
..
گورور قبرون ایچنده یاتوب دوغرانان اعضا
چکر ضجه حسینه یتن ظلم و جفادن
..
..
امام الثّقلینه سراج الحرمینه
هامی شیعه لریندن سلام اولسون حسینه
..
..
..
..
..
..
حسین عشق ولادن رضا اولدی بلادن
بلا صحنه سی دولدی برازنده فدادن
..
حسین دوشدوگی مقتل خراج آلدی منادن
دگه توپراقا اکسیر کچر مغز طلادن
..
او خلوتگه معنا جلالندی جلادن
دوشوب جلوۀ جانان مصاف اوسته سمادن
..
حسین غسل طوافی ایدوب خون خدادن
دوتوب جامۀ احرام حسین قانلو ردادن
..
طواف ایتدی فراغت تاپوب حج نسادن
حسین دشمنون اوسته هجوم ایتدی جدادن
..
او موسای زمانه سلاح ایتدی عصادن
پوزوب اسم یزیدی ردیف نجبادن
..
یخوب قله ی ظلمی فنا ایتدی بنادن
یتوب خلعت احسن اونا خیر ورادن
..
گلوب کلمه ی تحسین اونا بیت خدادن
دل غار نبیدن لب کوه حرادن
..
اوجالدی گوگه لبیک عروق شهدادن
او تلی که فضاسی دولوب اَین اَخادن
..
غنی ایلدی زینب اونی سعی و صفادن
گلوب غبطه صداسی اونا مروه صفادن
..
..
..
..
..
..
خلاصه او مناده حسین ایلدی اضحی
ایچوب جام شهادت او گون اهل تولا
..
أو ساعت که آتندان یره دوشدی او مولا
جمال بشریت سالوب عرشه تجلّا
..
لقای احدیت همان جلویه معنا
صفا آینه سینده طلوع ایتدى أو سیما
..
دوشوب حیرته اهل سماوات معلّا
دیدی ایلدی هر کیم او سیمایه تماشا
..
بودور عاشق صادق بودور عامل سودا
بو سوز صاحب فهمه دگل لفظ معما
..
عوام ایچره خطادور بو اسرار اولا افشا
دوشر لغزشه اوهام ایدم غایتین انشا
..
در رحمتین آچدی او دم خالق یکتا
او رحمتله شرافت تاپوب جنت الاعلا
..
اولوب شربت کوثر قدح لرده مهیا
کلید در جنت حسینه اولوب اعطا
..
گلوب خلد بریندن بلا دشتنه زهرا
خدیجه ساغ الیندن دوتوب صول الین حوا
..
حسینون باشی اوسته گوروب شمری مهیا
امان ویرمدی اولسون اوغول حالینی جویا
..
گتورمشدی جناندان خانم معجر دیبا
همان معجری سردی یره بانوی کبرا
..
قزل طشته کسیلدی اگرچه سر یحیا
حسین باشنون آلتدا حریر أولدى متکّا
..
جنان تاپدی طراوت جهان دوشدی صفادن
..
..
..
..
..
..
حسین خالقه قالوا بلیده دیدی لبیک
اونا حىّ و توانا نداده دیدی لبیک
..
پیمبر اونا عرش خداده دیدی لبیک
نبیّان معظم دعاده دیدی لبیک
..
قدرده دیدی لبیک قضاده دیدی لبیک
مقام ایتدیگی خاک شفاده دیدی لبیک
..
دایانموشدی جدایه جداده دیدی لبیک
اونا ذات حق اوّل صداده دیدی لبیک
..
على دوم اهل کساده دیدی لبیک
حسن چارم آل عباده دیدی لبیک
..
خانم فاطمه باغ صفاده دیدی لبیک
حسینون بدننده دماده دیدی لبیک
..
اوزین گوردی یتیشیمش مراده دیدی لبیک
رضیت بقضائک رضاده دیدی لبیک
..
و تسلیم لامرک بلاده دیدی لبیک
ملک لر او جنابه سماده دیدی لبیک
..
دل مکه ده اقدس بناده دیدی لبیک
مقام و عرفات و مناده دیدی لبیک
..
اونا زمزم و مروه صفاده دیدی لبیک
اُحد ده شهدای وفاده دیدی لبیک
..
شن مشعر و کوه حراده دیدی لبیک
یرون داشلاری تحت الثّراده دیدی لبیک
..
نجوم و مه و خورشید فضاده دیدی لبیک
چولون قوشلاری روی هواده دیدی لبیک
..
تعجّبدی دل آچدی بلاده دیدی لبیک
خلاصه اونا آغ دا قراده دیدی لبیک
..
یتیشجک سسی زین العباده دیدی لبیک
الین آتدی دایانسون عصاده دیدی لبیک
..
بو فکریله که گتسون جهاده دیدی لبیک
گیده بیلمه دی دوشدی اراده دیدی لبیک
..
قاچوب عرصیه زینب پیاده دیدی لبیک
یره معجری باشدان فتاده دیدی لبیک
..
حرملر هامی گیسو گشاده دیدی لبیک
بالا قزلاری خیمه سراده دیدی لبیک
..
اونا صاحب مشک و لواده دیدی لبیک
علی اکبری قانلو عباده دیدی لبیک
..
جوان قاسم الینده حناده دیدی لبیک
عروس حجلۀ ماتم سراده دیدی لبیک
..
بشیکده اوزین آتدی بالاده دیدی لبیک
او یتمیش نفر عطشان فداده دیدی لبیک
..
بلند اولدی او لبیک سس ارض و سمادن
..
..
..
..
..
..
اوزون بیلدون حسین جان سنه کیملرون آغلار
سنه روز ازلده بلا دفترون آغلار
..
بابون سید طاها اؤپر لبلرون آغلار
دوتوب الده سو جامی شه کوثرون آغلار
..
یارا کوینگون الده باخار مادرون آغلار
وطنده گوزی یولدا قالان ایللرون آغلار
..
نیستانیده دوشموش ایکی شهپرون آغلار
ابوالفضل دلاور هنر پرورون آغلار
..
نشان اسدالله وفا مظهرون آغلار
محیط شهداده دوشن لنگرون آغلار
..
ذبیحان منا تک یاتان لشگرون آغلار
بهار اِرَمونده سولان گللرون آغلار
..
یره پیکری عریان دوشن یاورون آغلار
سنه برج بلاده باتان اخترون آغلار
..
حبیب ابن مظاهر قوجا نوکرون آغلار
کومک آخر وقته گلن زعفرون آغلار
..
امام حسن اوغلی ملک منظرون آغلار
على سید سجاد علی بنذرون آغلار
..
قویوب سینوه باشین علی اصغرون آغلار
اوز اسماعیلین اولمش گورر هاجرون آغلار
..
باخار عمه لرینه جوان اکبرون آغلار
دوتوق گون دالسندا مه انورون آغلار
..
نماز اوسته کسیلمیش سوسوز حنجرون آغلار
سر نیزه ده قرآن اوخور گوزلرون آغلار
..
گوروب نعشوی باشسیز کسوک اللرون آغلار
بیلکلردن آخور فان گورر پیکرون آغلار
..
بیر عده ایوی ویران قرا معجرون آغلار
الین باشدان اوجالدان خانم خواهرون آغلار
..
کسوک بارماقون اوسته اوز انگشترون آغلار
سنه اسلحه لردن اولان بسترون آغلار
..
دگر زینبه قمچی تن بی سرون آغلار
قاچاندا تورا دوشمش شیرین دللرون آغلار
..
عمر سعد اوتوراندا طلا منبرون آغلار
قبای خزون آغلار سلاح زرون آغلار
..
ایکی پاره جبینون گوروب حیدرون آغلار
قزل طشتون ایچنده سر اطهرون آغلار
..
گیدن کوفه و شامه بلاکشلرون آغلار
گیجه شام یولندا قالان دخترون آغلار
..
خرابه یره زینت ویرن گوهرون آغلار
سنه حشره گلنده صف محشرون آغلار
..
محبّانوه سایه دوشر قانلو لوادن
..
..
..
..
..
..
حسین سجده زمانی چخان جانوه قربان
یاشیل شیشه ده عرشه گیدن قانوه قربان
..
گل آچمش سینون اوسته گلستانوه قربان
سنون قانوه الوان بیابانوه قربان
..
بیابان مجلل زرافشانوه قربان
ایدن تپراقی یاقوت قزل قانوه قربان
..
قزل قاندان آچلمش خیابانوه قربان
سر تلّه چادردان گریزانوه قربان
..
عجب سن عمل ایتدون او پیمانوه قربان
هوادن کفن ایتمش شهیدانوه قربان
..
علی اکبر گیسو پریشانوه قربان
علی اصغر مظلوم لب عطشانوه قربان
..
کنارونده دوزولموش جوانانوه قربان
فرات اوسته یخیلمیش نگهبانوه قربان
..
سنان شاخه سی سرو خرامانوه قربان
قالان اهرمن ایچره سلیمانوه قربان
..
ایدن قبروی بوسه محبّانوه قربان
جوار کرمونده مقیمانوه قربان
..
قیامت گونی لطف فراوانوه قربان
گیجه قتلگهونده چراغانوه قربان
..
سیه جامه ی شام غریبانوه قربان
کول اوستونده جمال درخشانوه قربان
..
گیجه خولی ایوینده عزاخوانوه قربان
جوانمرد نصارا پشیمانوه قربان
..
کلیساده کی تازه مسلمانوه قربان
مجالسده چراغ فروزانوه قربان
..
کسوک حلقده صوت نمایانوه قربان
دیدون درس حقیقت دبستانوه قربان
..
یانوب دشته سپلمش حرمخانوه قربان
پارا خیمه قرانلوق شبستانوه قربان
..
نولی باغلى طنابه اسیرانوه قربان
او قزلاروه قربان یتیمانوه قربان
..
که صحرایه داغیلدی یانان خیمه سرادن
..
..
..
..
..