بو خرابه ده سالوب غم منی چوخ فشاره عمه #حضرت_رقیه_رضوی_زنجانی

زبانحال حضرت رقیه (س) در خرابۀ شام
..
..
..
..
رضوی زنجانی
..
..
..
..
بو خرابه ده سالوب غم منی چوخ فشاره عمّه
منی قاره معجریله قوی ئوزون مزاره عمّه
..
..
..
..
منی اینجیدور زمانه ندور عمّه جان گناهیم
گوروسن خرابه یرده قوری یردی خوابگاهیم
قالوب اکبرون یولوندا بیلیسن منیم نگاهیم
نیه گلمور اکبریم بس بئله بیر دیاره عمّه
..
..
..
..
غم اوخی ائدوب بو یرده منی گور نجه نشانه
هم اسیر عشق اکبر هم حسینه نازدانه
بیله کاش علی، ویریبلار منه ایندی تازیانه
گئدیرم مزاره ایندی اورگیمده یاره عمّه
..
..
..
..
ائدورم توسل اما نظر اولمور اکبریمدن
بئله غصه لی دیاره گذر اولمور اکبریمدن
گوره سن ندندی عمّه خبر اولمور اکبریمدن
یری واردی قانلی گوزیاش الییَم عذاره عمّه
..
..
..
..
یوخی وقتی مرغ اقبال ویرار آسمانه شهپر
یوخوما گلر او ساعت گورورم که نازلی اصغر
دل آچوب ایاق دوتوبدی یرییور او نازپرور
آییلاندا دوشموشم من گوررم کناره عمّه
..
..
..
..
چوخ عزیزیدیم وطنده ولی قالمادی جلالیم
غم و غصّه دن سولوبدی گله بَنزییَن جمالیم
یادیما وطن دوشنده چوخالور غم و ملالیم
گُل گلستان یثرب توخانوبدی خاره عمّه
..
..
..
..
بو خرابه کُنجی آخر بیلورم منه وطندى
بئله غصه لى مکاندا منه معجریم کفندی
پوزولان منیم غمیمده بو نوالی انجمندی
یاناجاق همیشه دللر دل داغداره عمّه
..
..
..
..
«رضوی» یازاندا نوحه حقه ائت اول توکّل
صورا صاحب عزایه اورگیندن ائت توسّل
دل شیعه ده یقیناً سؤزون ایلیر تحوّل
دئسه گر رقیّه بیر یول باخ او بی قراره، عمّه
..
..
..
..
#حضرت_رقیه #رضوی_زنجانی #ترکی #حضرت_رقیه_شهادت #زبدةالاشعار