یارالی باشیوه عالم اولا قربان یارالی #دیر_راهب_شهاب_اهری

دیر راهب
..
..
..
..
#سبک_ای_منیم_آرخام_ایلیم (با اضافه کردن واگیر) … #سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … 4 سبک …
..
..
..
حسین شهاب پور اهری
..
..
..
..
..
یارالی باشیوه عالم اولا قربان یارالی
خوش گلوبسن بو گیجه دیریمه مهمان یارالی
..
..
..
..
..
کیم سالیبدور سنی بو حاله اوزون ایله بیان
نطقه گل گوزلرون آچ ایله بو اسراری عیان
کیم سنون گلشن عمرون بیله ایلوبدی خزان
ذبح اولان باشون اولوب قانیله الوان یارالی
..
..
..
..
..
ایلدی دیری کسوک باش بو گیجه مطلع نور
قالوب حیرتده بو انور باشا سرچشمه ی هور
طور سینانی گورم خاطره ائتمزدی خطور
ماه انور تک ایدوب دیری درخشان یارالی
..
..
..
..
..
گلشن جسمیوی کیم توش ایلیوب خار الینه
یا فلک ظلمی سالوب بیر گولی اغیار الینه
نیزه ده قانلو باشون دوشدی ستمکار الینه
اى قویان عشقیده عالملری حیران یارالی
..
..
..
..
..
کیمسن ای گوزلرینه لخته لنن قانی دولان
کیمسن ای چوللری سرنیزه لر اوسته دولانان
بدنون هاردا قالوبدی؟ باشی اللرده قالان
قیل اوزون راهبه بو مطلبی اعلان یارالی
..
..
..
..
..
قانلو باشینده سنون اوزگه علامت گورونور
سجده گاهینده آقا عمده جراحت گورونور
صاحب معجزه سن سنده سیادت گورونور
ای تلاوت ائلین آیه ی قرآن یارالی
..
..
..
..
..
آیی شرمنده ایدور سنده کی بو حسن جمال
یوسف مصری اولانماز سنه عالمده مثال
نه دور علت کی آخور عارضه هی اشگ زلال
واردی باشونده مگر غصه لی پیمان یارالی
..
..
..
..
..
نه سبب اولدی قوناق گلدی کلیسایه باشون
بئله معلوم اولونور چوخ دوشوب ایذایه باشون
یئرى وار فخر ائلیه جنّت الاعلایه باشون
یارالی باشدی بو یا بیر مه تابان یارالی
..
..
..
..
..
واردی باشونده نه چوخ ظلم و جنایت اثری
کیمسه بو ظلمی ائدوب، واردور عداوت اثری
گل یوزوندن گورونور مجد و جلالت اثری
اولما باشون کسیلوب ظلمیله عطشان یارالی
..
..
..
..
..
نه دور علت کی بئله دیده سی گریانسان آقا
توز قونوب یوز گوزیوه حالی پریشان سان آقا
بئله معلوم اولونور خانه سی ویرانسان آقا
اولا ویرانه گوروم عالم امکان یارالی
..
..
..
..
..
یوخودی پس کومگین یار و هوادارون اولا؟
قویمییدی چمن عمریوی ظلمیله سولا؟
نه ستم دور سنه کین اهلی آقا بولدی روا؟
سرّه آگهدی اؤزی خالق رحمان یارالی
بلّیدور باشدان آقا باغ امامت گولوسن
صاحب اصل و نسب برج وفا اختریسن
چرخ اعجاز و کرم بحر ولا گوهریسن
کیم آپارمیشدی باشون مطبخه مهمان یارالی
..
..
..
..
..
عاقبت آچدی گوزون گلدی دیله شاه حجاز
راهبه ائتدى علن سرّینى تا کشف اولا راز
شاه دینم دئدی ائتمه بو قدر سوز و گداز
گلمیشم گرچه کلیسایه پریشان یارالی
..
..
..
..
..
راهبه ویردی بو سوز شدّت شور و هیجان
آغلادی یاندی اورکدن توکنوب صبر و توان
گوردی که یاره لی باشی ویرور انجم کیمی سان
دئدی قربان سنه ای خسرو خوبان یارالی
..
..
..
..
..
اوخی کهف آیه سینی خلقه تانیتدور اؤزیوی
ای مه برج شرف گرچه دوتوب کول یوزیوی
راهب اولسون سنه قربان آقاجان آچ گوزیوی
قویما بو غمده اولا قلبیمی شان شان یارالی
..
..
..
..
..
وار یئری غبطه بوگون دیریمه جنت آپارا
سن هارا ای شه دین دیر و کلیسالر هارا
ماه انوردی باشون باش دگیل ای بدر دجا
بولوت آلتیندا اولوب بو گیجه پنهان یارالی
..
..
..
..
..
سنده آغلار گوزوله باخ بو کلیسایه «شهاب»
باتما دریای غمه ائتمه بو قدری تب و تاب
دردیوی آل نظره قیل یارالی باشه خطاب
ایله قلبیمده کی بو دردیمه درمان یارالی
..
..
..
..
..