اولدی گینه ماتم بپا یا حضرت مهدی #ورود_محرم_سیدبشیرحسینی

نوحه ماتم حسینی
..
..
..
#سبک_ویرانه_ده_نازلو_بالام
..
..
..
..
سید بشیر حسینی میانجی
..
..
..
..
اولدی گئنه ماتم بپا یا حضرت مهدی
گییدی حسینچی‌لر قرا یا حضرت مهدی
..
شال عزا سالدون آقا! جدّون عزاسینده
سن‌سن بو آی صاحبْ‌عزا یا حضرت مهدی
..
..
..
..
عطر محرّم مست ائدوب عاشق جوانلاری
جذب ایلیوب بزم غمه شائق جوانلاری
ایله دعا خلوتده بو لایق جوانلاری
بیزده سنه قیلّوق دعا یا حضرت مهدی
..
..
..
..
باخدوقجا قاره پرچمه جاری اولور گؤزیاش
عرض ایلیروق کرب‌وبلاده بیز اولیدوق کاش
قانه باتِیدوق تا آلیدوق جنّتی پاداش
گؤزیاش توکوب قیلّوق نوا یا حضرت مهدی
..
..
..
..
بزم حسینی‌دن گرَک درس آلسین عاشق‌لر
عذرای عشقه دیل وئرر شوقیله وامق‌لر
بدتردی کافردن دیوب قران، منافق‌لر
سسلر سنی اهل ولا یا حضرت مهدی
..
..
..
..
راز و نیاز اؤرگنمیشوق شاه شهیداندان
درس وفانی آلمیشوق سقّای عطشاندان
یازدی وهب قانیله دوز عاشق کئچر جاندان
قُلْ: کُلُّ أرضٍ کَربَلا یا حضرت مهدی
..
..
..
..
جدّون حسین گودالیده، تا دوشدی توپراقه
خنجر کسَنده حنجرین سس سالدی آفاقه
هَیهاتَ منّاالذّلّه‌‌نی اؤرگتدی عشّاقه
بو مکتبه جانلار فدا یا حضرت مهدی
..
..
..
..
سن تک مصیبت عالَمی، غم‌آشنا اولماز
سن تک حسینه آغلیان صبح و مسا اولماز
سن گلمه‌سون آقا! بیزیم درده دوا اولماز
گَل ائت هامی درده دوا یا حضرت مهدی
..
..
..
..
شکر اولسون آللّهه گئنه گؤردوک بو غم آیین
هئچ دین و هئچ مذهبده یوخ دور بیر بئله آیین
کاش بیر گؤریدوق آللّهین گیزلین قالان آیین
گل قیل بیزی حاجتْ‌روا یا حضرت مهدی
..
..
..
..
بیر جمله روضه عرض ائدوم گؤزیاشیمیز آخسین
بو جسم و بو جانی گئنه غم یاندیروب یاخسین
یامهدی! آغلار گؤزلرون بو مجلسه باخسین
سن آغلاما ائتمه نوا یا حضرت مهدی
..
..
..
..
جدّون حسینون حالینه، مقتلده، سینه داغلادی
بیلمم اونا کیم آغلادی یا کیم یاراسین باغلادی
اما دیولّر باشینی خنجر کسَنده آغلادی
قان آغلیان صبح و مسا یا حضرت مهدی
..
..
..
..
«سیدبشیر»ین شعرینه دوز قات اولا دوزلی
گل، سوز دیل آرتیر یازا غم نوحه‌سین سوزلی
گؤزیاشینی سو تک سپور یول اولمویا توزلی
گل تا اولاق غمدن رها یا حضرت مهدی
..
..