زبانحال امام حسین (ع) در بالین حضرت علی اکبر(ع)
.
✍️ زبدة الاشعار ✍️
?: @nohe_torki
.
مرحوم صراف تبریزی
.
بلشوب قانه عجب زلف پریشانون اوغول
اولا کول باشینه سندن صورا دنیانون اوغول
.
سنیدون زینبیمون مطلب و منظوری علی
قویدون آغلار گوزیله یاخشی او رنجوری علی
دور گئدک خیمیه، ای گوزلریمون نوری علی
گوزی یوللاردا قالوب خیمه ده لیلانون اوغول
.
سنی لب تشنه شهید ایلدی بو قوم عدو
گلشن جسمیوه وئردی دم پیکانیله سو
منده ایندی ائدرم قانیله تجدید وضو
قاریشور قانیمه بو چولده قیزیل قانون اوغول
.
مرحبا عشقیوه ای شبه رسول مدنی
ائتمه دون محضر جانانیده شرمنده منی
یاخشی الوان ائله دون قانیله بو گول بدنی
سرو تک دوشدی یره سرو خرامانون اوغول
.
محفل قربده اؤز جسمیم اولوب غیر منه
کوفه‌دن شامه وئرور جذبۀ حق سیر منه
بو کشاکشده علی منزل اولور دیر منه
اوج ائدر ناله سی افلاکه مسیحانون اوغول
.
سینه می ناوک درد و غمه آماج ائدرم
زینبون طاقت و آرامینی تاراج ائدرم
منده بو چولده کسیک باشیله معراج ائدرم
قاب قوسینیم اولور طاقی کلیسانون اوغول
.
سن وفا گلشنینون بیر گل نو رسته سی سن
شهدا دسته سینون عشقده سر دسته سی سن
اولمویا من کیمی بیر سلسله پا بسته سی سن
نگراندور گورورم دیدۀ گریانون اوغول
.
نوش قیلدون ره جاناندا بلا جامی علی
چکه جکدور بو ایشین شامه سرانجامی علی
بیرجه آچ گوزلرون ای قلبمون آرامی علی
گور نه احواله سالیبدور منی هجرانون اوغول
.
نور دیده بو کمان قدّیمه بیر ایله نظر
تیر آهه یارالی سینه می چوخ ائتمه سپر
توکمسه زینب مظلومه اگر اشک بصر
یاندیرور عالمی آه دل سوزانون اوغول
.
ای اولان سرو قدی زینت میدان بلا
کعبۀ وصلده قیلدون نه گوزل سعی و صفا
ایلدون جانیوی مین شوقیله جانانه فدا
درگه حقّده مقبول اولا قربانون اوغول
.
آغلا #صرافیله بو مجلس ماتمده #رضا
گوز یاشون خرج اولا گوهر یرینه روز جزا
آه او دمدن بویوروب اوغلونا شاهِ شهدا
بلشوب قانه عجب زلف پریشانون اوغول
.
#سبک_یارالی_جان_یارالی ( 4 سبک)
.
#اکبریه_شهادت
#بلشوب_قانه_عجب_زلف_پریشانون_اوغول
#صراف_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید