دنیاده ایلیوبدی طوفان حسینون عشقی #حسینیه_غمکش

حسینون عشقی …
–
✍️ زبدة الاشعار ✍️
?: @nohe_torki
–
مرحوم غمکش
–
دنیاده ایلیوبدی طوفان حسینون عشقی
امضاء ائدوبدی عهد و پیمان حسینون عشقی
–

هر مشکلاتی ایلر آسان حسینون عشقی
اوّل حسینون عشقی پایان حسینون عشقی
–

گئی قاره سین برادر گل مجلس عزایه
قاره علم سالوبدی بو باشلار اوسته سایه
هر دردون اولسا قورخما باخ سمت کربلایه
کاخ عدونی ائتدی ویران حسینون عشقی
–

بو عشقی وئرمروق بیز دنیای بی وفایه
قیمت وئروبدی زهرا بو اشک و بو لوایه
نام حسینی یازدیر نصب ایتگلن سرایه
گورسون هامی اولوبدور میزان حسینون عشقی
–

بو عشقی باشدا زینب ویرانده یازوبدی
اونّان مدال قاره عاشقلره قالوبدی
بو عشقیله گئدوبدی شامی خانم آلوبدی
شامی ایدوبدی آخر ویران حسینون عشقی
–

وهّابیلر چکوبدی نقشه بو دودمانه
ایلور تلاش چوخلار عالمده محرمانه
بو نقشه لر پوزولدی بیر لحظه ده شبانه
ایرانیانه وئردی سامان حسینون عشقی
–

ایرانیانه باخسا چپ گر گروه خنّاس
دوزمَز یقین واریمدی عالمده اشرف النّاس
سیلی وورار او قوم شوم پلیده عبّاس
چوخ کاخ لر ائدوبدی لرزان حسینون عشقی
–

عبرت گرکدی آلسین چوخلار او ماجرادن
یاز «غمکشا» جماعت خوف ایلسون بلادن
ال چکمئز اهل منطق ئولدورسلر خدادن
روز جزاده ایلر دیوان حسینون عشقی
–

#حسینیه_مدح #حسینیه_وطن
#دنیاده_ایلیوبدی_طوفان_حسینون_عشقی
#غمکش
#یادگار_غمکش
#ترکی
–
✍️ #زبدةالاشعار ✍️

?: @nohe_torki