ماه محرم
زبانحال حضرت زهرا(س)
شاه حسین گویان
.
✍️ زبدة الاشعار ✍️
?: @nohe_torki
.
مرحوم صحاف تبریزی
.
دولدوروب جهانی وای حسین نواسی
اللری باشندا سسلنور آناسی
نور هر دوعینم وای
بیکفن حسینیم وای
جان عزیز زهرا (2)
.
.
گلمیوم نجه من دلدن آه و زارم
ویرمیوم اجازه چشم اشکباره
قویدیلار بالامی بیکفن مزاره
نور هر دو عینم وای
بیکفن حسینیم وای
جان عزیز زهرا
.
.
جبرئیل دیردی بو حسینه لای لای
دوغرادی وجودین اهل کینه بو آی
ورد و ذکریم اولدی وای حسینیم ای وای
نور هر …
.
.
اوغلومین دولانام مجلس عزاسین
آچمارام باشیمدان حشره تک قراسین
اللریم اورکده باشلارام نواسین
نور هر …
.
.
هر او یرده گورسم واردی قاره پرچم
شیعه لر قوروبلار اوردا بزم ماتم
منده باشدا قاره سسلرم دمادم
نور هر …
.
.
هر عزایه گلم سینه داغلارام من
عارضه سرشگ چشمی باغلارام من
اوخشارام دویونجا اوردا آغلارام من
نور هر …
.
.
اوغلومی چاغوردی اهل کوفه مهمان
قویدی میزبانلار میهمانین عطشان
ویردی سو یانندا ظلمیله بالام جان
نور هر …
.
.
گیتدی جدی گیتدیم منده کربلایه
التماس ایدم تا شمر بی حیایه
باشی استه گلدیم نی کیمی نوایه
نور هر …
.
.
گلدی خیمه لردن زینبیم او ساعت
قارداشین گورنده توکدی اشگ حسرت
بیر باجی گتورمز بیله حاله طاقت
نور هر …
.
.
زینبیم توتاندا شمر خنجریندن
قاتلین یاپوشدوم منده اللریندن
ایتمدی او ظالم شرم خواهریندن
نور هر …
.
.
قویدی بو کشاکش ماسوانی حیران
دوشدی عصمت الله معجری باشندان
شمر الینده زینب اولدی قانه غلطان
نور هر …
.
.
بیر یره یتیشدی ایش او کشمکشدن
ضعفدیدی اوغلوم شدّت عطشدن
اچدی گوز حسینیم گلدی حاله غشدن
نور هر …
.
.
گوردی باجی سندا قارداشی اوحالی
سیل تک عذاره آخدی اشک آلی
ائیلدیم مکرذ من ده بو مقالی
نور هر …
.
.
سسلدی باجی گئت قتلگهده دورما
غم بساطین ایندی باشیم استه قورما
گل بو دللریله داده باشه ورما
نور هر …
.
.
وار آنام یانمدا باجی سینه داغلار
قاره معجریله گوزلریمی باغلار
آغلادور جهانی بیله اوخشار آغلار
نور هر …
.
.
سوز دایاندی صحاف ایله بیر مقاله
دوتدی اود صحیفه یاندی الده خامه
فاطمه دلنجه ویر سوزون تمامه
نور هر …
.
.
#سبک_دولدوروب_جهانی
با صدای مرحوم #سلیم_موذن
.
#ورود_محرم
#دولدوروب_جهانی_وای_حسین_صداسی
#صحاف_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید