اغفر ذنوبی یا حسین التوبه توبه #حر_اخگر_مراغه_ای

آمدن حُرّ و درخواست عفو
..
..
..
سبک ها: #سبک_ای_درد_بی_درمانلارا … و با اضافه کردن واگیرهای دیگر : #سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم
..
..
..
اخگر مراغه ای
..
..
..
..
اغفر ذنوبی یا حسین التّوبه توبه
اولما آقا مندن غمین التّوبه توبه
..
..
..
..
گلدیم شفاعت آلماقا بو آستانه
خاک تضرعده یوزوم دل عاشقانه
باب کرمده حر اولام تاپدیم بهانه
ای شهریار ملک دین التّوبه توبه
..
..
..
..
ای یوسف زهرا حبیب حىّ سبحان
گیزلندی دردیم سینه ده گل ایله درمان
سن بیل ننون زهرا منى قوما قاپوندان
ای رهبر اهل یقین التّوبه توبه
..
..
..
..
گلدیم بو باب رحمت بی منتهایه
روحیم تضّرعده گلوب دل التجایه
چون سالموشام آل علینی من بلایه
ای رشته ی حبل المتین التّوبه توبه
..
..
..
..
ای سرو گلزار امامت سبط طاها
تقصیریمی عفو ایله مولا جان زهرا
تا اولمیوم تاریخ بو صحراده رسوا
آغلار گوزوم قلبیم حزین التّوبه توبه
..
..
..
..
قزلاریوی قورخوتماقا ائتمیشدیم عادت
بو گون ولیکن ایلورم کسب سعادت
لطف ائت حضوریندن تاپوم فیض شهادت
جانیم بو سودایه رهین التّوبه توبه
..
..
..
..
وئرسون اجازه باشیوه گلسم دولانسام
شمع وصالوندا اولوب پروانه یانسام
امرون اجابت ایلیوب قانه بویانسام
عشقونده آساندور چتین التّوبه توبه
..
..
..
..
یکسر مسلماندور گلنلر کربلایه
صفلر نمازه باغلانوب ذکر و دعایه
سالموش عدالت اوستونه شمشیر سایه
ثبت اولدی تاریخه متین التّوبه توبه
..
..
..
..
جمله مسلماندور بو صحراده جماعت
نور ولایت ایلیوب حرّى هدایت
بیر آیری کسده بو مقامه یوخ لیاقت
اولدی بو درگاهه امین التّوبه توبه
..
..
..
..
درگاه عشقه تا چاتوب عرض ندامت
احسانه گلدی لطفیدن قلب امامت
عفو ایلدی حرّى او دریای کرامت
چاتدی عنایاته مبین التّوبه توبه
..
..
..
..
عرض ایلدی ای مفتی فتوای قرآن
ائت مفتخر آزاده وی وئر اذن میدان
کوى وفاده باش اوجالدیم قانه غلطان
رنگین اولا قاندان زمین التّوبه توبه
..
..
..
..
«اخگرده» سرّ عشقیدن ایلور کتابت
چوخلار حسینچی اولماقا تاپماز سعادت
الله بیزه بو لطفینی ائتموش عنایت
ثبت اولدی دفترده همین التّوبه توبه
..
..
..
..