زبدةالاشعار

صحنۀ چمنده نسیم غم باشلیوب هوای حَزَن ورور #حسینیه #بهار_تبریزی

شهادت حضرت امام حسین (ع)
.
✍️ #زبدةالاشعار ✍️
.
🆔: @nohe_torki
.
مرحوم محمود توتونچی (بهار تبریزی)
.
صحنۀ چمنده نسیم غم باشلیوب هوای حَزَن ورور
گلشن حسینه خزان یتوب عندلیب یاد چمن ورور
.
.
موسم خزانیده بلبلین وصل گلستاندی بهانه سی
گلدن آیریلاندا ملول اولور بیلمزهاردادی آشیانه سی
بوش گوره چمنده گلین یرین اوج ایدر فضایه ترانه سی
نسترن دیوب سوسن آختارور داد وصلتی یاسمن ورور
.
.
هر گلین بهار و خزانی وار بیر گلر گلستان کربلا
گل آچوب نه رنگیله غنچه لر واردی اوندا نه نکهت و فضا
توخدیَنده سروه صنوبره لالیه گله نفخۀ صبا
بوی لادن جانفزا گلور عطر باغ رضواندن ورور
.
.
قوملار اوستیدی گون قباقیدی بیر یارالیدی تشنه جان ویرور
صفحۀ الستی الینده دور کوی قربده امتحان ویرور
قلبینون او اوچ شعبه لی اوخون یاره سین نگاره نشان ویرور
قاندی چشمه تک قلبدن آخور رنگ خون عقیق یمن ورور
.
.
نُه فلک مداری سقوط ایدوب انقلاب مطلقدی کاینات
قطب ممکناته خطر یتوب منقلبدی نظم سرادقات
منظر الهیدی قتلگه جلوه گردی نور تجلّیات
دم طریقۀ مستقیمدن دمبدم شه ممتحن ورور
.
.
تشنه لب یخیلمیش یارالیدور نسل احمدی عالی بیر خلف
احتضاریدی ضعف حالی وار دوست و دشمنی ایلوری اسف
آنّینی اوغان یوخدی بیر نفر ایلیوب عرق جبهه چون صدف
خنجر آتدا ضعف ایلیوب ئولن قاتلی اوزی باد زن ورور
.
.
صف چکوب ملائک ایدر نظر عالی بیر نمایشدی قتلگه
هولدن اوزین گم ایدوب فرس نقشۀ رخی طرح ایدوبدی شه
قدسیان باخوللار او صحنیه ساکنان عرشی دوتوب وله
خاک و خون ایچینده غریقدور ال ایاق خدیو زمن ورور
.
.
بیر نفر تاپیلمور سئوال ایده نه گناهی وار بو غریب امام
هانسی بدعتی دینده نشر ایدوب هانسی بیر حلالی ایدوب حرام
نه جنایتیله مجاب اولوب نه سببدی ای فرقۀ ظلام
بو عقوبته مستحقّ دور هر گلن ورور هر گیدن ورور
.
.
قتلگاهده شمریله حسین بیرده زینب اول مادر الم
امر بیرمقامه یتوب که من شرح حالینی وصف ایدنمرم
قارداشی یخوب قاتل ئولدورور باجی خنجرین دن دوتوب اودم
باشینه تکان باش ویرن ویرور زور خنجره باش کسن ورور
.
.
قان آخوب بدن تابدن گیدوب قطع اولوب نفس تشنه لب ئولور
ئولدورن کیمی ئولدورور اونون حالینه باخوب حالینی بولور
جان ویرن ایله شوق و ذوقی وار صورتی قزل گل کیمی گولور
قاتل آغلوری هایهائیله بولمورم گنه بس ندن ورور
.
.
کربلا هواسی باشندا وار یتموری الون غم یمه بهار
ایسته بیر زیارت براتی آل بو حسیندن بو گلن بهار
فاطمه بولور سن حسینی سن خدمتون جزاده جزاسی وار
سوزلرون گلن نوحه خوان اوخور سینه شوقیله سینه زن ورور
.
.
.
#حسینیه #بهار_تبریزی
#حسینیه_شهادت
#صحنۀ_چمنده_نسیم_غم_باشلیوب_هوای_حزن_ورور
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  امروز خاک دارد از افلاک برتری #مهدیه #سعدی_زمان

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی