ورود به کربلا
..
..
..
..
علی نوروزی نوین
..
..
..
..
میعادگاه عشقه یتوب شاه مشرقین
سسلندی کربلا یری خوش گلمیسن حسین
..
زینت تاپار سنیله اگر کربلا یری
سنله اولار بودشت ولیکن بکا یری
..
لطفونله تاپموشام بولوسن زینت وصفا
فخر ایلرم جهانه من ای فخر الاصفیا
..
قربان گلن قدملریوه ای امیر عشق
عشقون ایدوبدی کرب وبلانی اسیرعشق
..
سندن ازل بو دشته گلیب جمله انبیا
نوحه ائدوبله حالیوه ای شاه کربلا
..
اول گونکه خلق ائدوبدی منی حی کردگار
ثبت ایلیوب سنون آدیوا کلک روزگار
..
گل سیدی که من سنه چوخ انتظاریدیم
قورخوم بوئیدی گلمیسن بی قراریدیم
..
واردور یری دئیدی اودم میر نامدار
زهراعزیزی ملک دله شاه تاجدار
..
ای دشت پربلا منه ای شاهراه عشق
روز ازل یازیبلا آدون جلوه گاه عشق
..
بوردای رضای حقی من آلماقه گلمیشم
ایفای عهد ائدم اودی قالماقه گلمیشم
..
یثربدن ال چکوب بولوسن چوخ نوالیم
دیل ویرمیشم بو توپراقیوا کربلالیم
..
شوق لقا ائدوبدی منی اهل کربلا
قانیله ایلرم بو چولی قانلی بیر منا
..
آل رسولی من سنه مهمان گتورموشم
آهو مثالی بیر سوری قربان گتورموشم
..
قربانلار ایچره بیر بالا وار شبه مصطفا
اکبردی آدی فدیه دی جانانه کربلا
..
گتدیم اونیله قارداشیمین یادگارینی
هجریله قلبیمین آلاجاق اختیارینی
..
گتدیم بو دشته بیر اوجا بوی سرو قامتی
عشقیمدی قارداشیمدی اورک تاب و طاقتی
..
حیدر مثالی دلبر و دلداریدور منه
یوم بلاده یاور و غمخواریدور منه
..
قیزلار امیدی روح و روانیمدی قارداشیم
قلبیم قراری طاقت جانیمدی قارداشیم
..
گلمیش قانیله بیرق دین استوار ائده
ام البنین اوز اوغلونا تا افتخار ائده
..
وار بیرده بیرجه سودامریم طفل دلربا
گلزار عشقیمه وئرجاق زینت و صفا
..
بو گوللر ایچره غنچۀ احمردی اصغریم
اما مقام عشقیده اکبردی اصغریم
..
طومار عشقه ثبت ایلیوب منشی قضا
زینت تاپا قانیله بونون ارض و هم سما
..
همراهیدور بو یولدا منه دخت مرتضا
اوغلانلارین گتوردی باجیم ایلسون فدا
..
واردور منیله زینبیمون بیر محبّتی
عشقیم سالوبدی چوللره اول بحر عفتی
..
بیر گون گلر که بوردا باجیم یاور آختارار
گودال ایچینده قارداشینی سسلر آختارار
..
سسلر هایانداسان منیم ای قارداشیم حسین
سس ویر که دوندی قانه منیم گوزیاشیم حسین
..
دیلّن دیلون فداسی اولوم ای غریب ئولن
قالدیم نه حاله یوخدی منیم حالیمی بولن
..
دور قیزلارون سویولا حسین یاتما بیر اویان
لشگر توکولدی خیمه لره داد والامان
..
دور گور نه نوعی اوتدا حسین خیمه لر یانار
بعضی بالالارون سنی هی سسلنر یانار
..
قارداش ایترموشم اوزومی زار و مضطرم
یوز علقمه دوتوب من ابوالفضلی سسلرم
..
ویرمز جواب یاره آلوب دیلده طاقتین
قولسوز ییخیبلا توپراقا چون سرو قامتین
..
زینب نلر چکوبدی( نوین) بیر خدا بولر
معیار درد و محنتینی کبریا بولر
..
غملر آغاتدی زلفونی قدین کمان ائدوب
قارداش فراقی صبرین آلوب باغریقان ائدوب
میعادگاه عشقه یتوب شاه مشرقین #ورود_کربلا_نوروزی_نوین
نظر دهید