زبدةالاشعار

گلدیم ز بسکه ناله و افغانه شامده #حضرت_رقیه #آصف_تبریزی

زبانحال حضرت رقیه (س)
.
✍️ #زبدةالاشعار ✍️
.
🆔: @nohe_torki
.
مرحوم آصف
.
گلدیم ز بسکه ناله و افغانه شامده
ایتدیم بو خرّم ایولری غمخانه شامده
.
توکدوم او قدری گوز یاشی فریاد و آهیله
طوفانه ویردیم عمریمی ویرانه شامده
.
غم چکدیم اون بیر آی بو قرانلوخ خرابه ده
دوشدوم صغیر سنّیله زندانه شامده
.
نه فرش و نه چراغ و نه طبخ و نه طعام
بیله رعایت ایتدیله مهمانه شامده
.
الدیم خیال طرّۀ اکبرله وورمادیم
بیر وقعه شانه زلف پریشانه شامده
.
من دختر شهنشه ملک حجازیدیم
اولدوم غریب و بیکس و بیگانه شامده
.
غصه ساراتدی رنگیمی برگ خزان کیمی
باغریم بویاندی لاله صفت قانه شامده
.
سیل سرشکیم ایتمدی دل شعله سین خموش
قالدیم غم آتشینده یانا یانه شامده
.
اوّل گلوب شماتت ایدن شام قیزلاری
همناله اولدولار من نالانه شامده
.
نالم مؤثر اولدی دل اهلِ شام ایچون
شرح ایتدیلر ملالیمی هر یانه شامده
.
یاتدی یزید قیزلاری مین خواب نازیله
من حسرت استراحت بیر آنه شامده
.
بزم یزیده حاضر اولان وقته باشیمون
یتدی هامی مصیبتی پایانه شامده
.
گوردوم بابام باشی قویولوب پای تختینه
باش سیز عیالی خوار و ذلیلانه شامده
.
ببر شور سالدى شهره او گون چوب خیزران
کافرلر ایتدی طعنه مسلمانه شامده
.
توپراقلار اوسته گوشۀ غربتده عاقبت
ویردیم بو خسته جانیمی جانانه شامده
.
باش آچدی عمّه لر باشم اوسته فغانیله
گلموبدی کیمسه شام غریبانه شامده
.
من روسیاه « آصفه » بیر لطف قیل خانم
قربان اولوم او روضۀ رضوانه شامده
.
#حضرت_رقیه_شهادت
#گلدیم_ز_بسکه_ناله_و_افغانه_شامده
#ترکی
.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی