زبدةالاشعار

اراده ایلمیشوق چونکی بیر اوزاق سفره #حقیر_خویی

هجرت ازمدینه
.
✍️ زبدة الاشعار ✍️
.
🆔: @nohe_torki
.
مرحوم میرزا عبدالوهاب حقیرخویی
.
اراده ایلمیشوق چونکی بیر اوزاق سفره
زیان و سودینی گل ایمدیدن آلاق نظره
.
سبیل عشقیده ارباب عشق عامل اولور
که راه عشقیده نفع کثیر حاصل اولور
.
قویاق قرار مدار شراکتی محکم
نه وار حیاتیده سرمایه میز قویاق روهم
.
نقدر عاید اولا نفعمیز تجارتده
شریک اولاق سنیله بالسّویه قسمتده
.
ائدوبدی کوفیه چوخ مشتری روانه یزید
ولی بلا چولی دور مرکز فروش و خرید
.
او گونکی وارد اولار کربلایه قافله میز
دوتار چون الده سر رشته تیز معامله میز
.
اولور منیم باشیما مشتری هجوم آور
منیم معامله مه دقّتیله ایله نظر
.
تاپار نه نوع منیم گور رواج بازاریم
که مشتریلریله وار سلوک و رفتاریم
.
بیری باشیمداکی عمّامیه اولار طالب
بیری لباسیمی بیر یردن آلماقا راغب
.
قویالّا قسمته اهل عراق و شام باجی
لباس و رختیمی اموالیمی تمام باجی
.
لباسیمی آپاروب ال تاپاندا خصم منه
طمع ائدلله باجی پاره پاره پیرهنه
.
نه جامه و نه عمامه م قالور نه پیرهنیم
گئدر خسارته سرمایه بیر قالور بدنیم
.
نه باک اگر بدنیمدن لباسیمی سویالار
برهنه قالمیا بیر کهنه پیرهن قویالار
.
دوشلله جانیمه گرگان مصر و کوفه و شام
تیکه تیکه داغیلور عضو عضودن اعضام
.
بیری باشیمدان اوتور حلقیمه قویار خنجر
بیریسی قطع ائلر انگشتمیله انگشتر
.
دئمه کی یوخدی نصیبون سنون بو سوداده
سنون باشوندادی هنگامه لر او صحراده
.
منیم باشیم کسیلور قطع فصل اولور سودام
سنه محوّل اولور صورت تجارت شام
.
گئدر یانونجا سنون شامه قرخ نفر عامل
که هر بیرینه دی مخصوص بیر سنیق محمل
.
دوشر جلالت و جاه و جلالون آفاقه
کجاویه چکیلور چون قطاریله ناقه
.
تدارکیله گئدرسن دمشقه سودایه
اولور سنونده منیم تک الونده سرمایه
.
اگر منیم بدنیمده اولور جراحت تیر
سنونده گردنوه شمر دون وورار زنجیر
.
قالور یانیمدا علمداریم اولما دل مغموم
اونون یرینده وار عباس نائبی کلثوم
.
منیم یانیمدا قالور یتمیش ایکّی نام آور
سنون باشوندا اولور قرخادین قرا معجر
.
ایاقیم آتدا منیم یوسف مدینه یاتار
گئدر دمشقه سنیله او عابد بیمار
.
منیم یانیمدا قالار باجی قاسم ناکام
عروس اولور سنه همراه کوفه دن تا شام
.
باشیم دمشقه گئدر ناوک جداده باجی
او یوللاری گئده سن سن گرک پیاده باجی
.
او وقت من بیر اوجا نیزه اختیار ائدرم
سنیله نیزه ده بیر باش دمشقه جن گئدرم
.
نه وقت باشیله سن ناقه اوسته ناله و آه
او وقت نیزه ده من باشلارام کلام الله
.
تنور ایچینده باشیم بیر گجه منیم قالاجاق
سنونده مدت زندانون آلتی آی اولاجاق
.
«حقیروه»نظر ائت یاحسین نه مدتدور
سنون قاپوندا تمنّاسی بیر زیارت دور
.
.
#خروج_مدینه
#حقیر_خویی
#اراده_ایلمیشوق_چونکی_بیر_اوزاق_سفره
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  قویدی چون قدم عرصه عالمه شه ولا #رضویه_معروف_اهری

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی