یا مهدی
استغاثه محضر حضرت امام زمان (عج) در نیمه شعبان
#گریز #حسینیه_وداع
.
✍️ #زبدةالاشعار ✍️
.
🆔: @nohe_torki
.
مرحوم احمد پورعطا (خادم تبریزی)
.
ایلروق شکایت زماندن حضرت امام زمانه بیز
اوز ولادتینده دخیل اولوب آغلاروق بیله یانه یانه بیز
.
.
فایق اولدی هر بیر بلا بیزه یوز ویرن بو ایلده بلا بیزه
باغلانوب بیله جدّیوین یولی قسمت اولمادی کربلا بیزه
یابقیة الله امام عصر سندن اوزگه یوخ بیر رجا بیزه
رحم ایله اوزون یوخ پناهیمیز گلمیشوق بلالرده جانه بیز
.
.
چوخ گناهیمیز وار ایدنمیروق درگه خداونده عرض حال
سن یقیناً آگاهسن اوزون سخت اولوب بیزه چوخ بوماه وسال
دوتموشوق بوگون دامنون سنون قدردور بیزه بیر برات آل
آند ویرّوق اوز جدّیوه سنی مایلوق نجه گور فغانه بیز
.
.
بوگجه شفیع اییلروق سنه جدیوین او آخر وداسنی
گلدی ذوالجناح اوسته سسلدی خیمگاهدن آل یاسنی
قارداشی ئولنلر ایشیتدیلر اوُل حرمسراده نداسنی
بیر بیره خانملار دیدی دورون ایلیاق اوشاهی روانه بیز
.
.
خیمه دن چخان گوردی شاه دین رزمگاهه عزم جدالی وار
دیندیریرعطوفتله قیزلارین قاندیریر شهادت خیالی وار
دامنین دوتان عرض ایدیر بابا گلمسون نجه گور ملالی وار
سنده اولماسون وار یقینیمیز دستگیر اولاق شامیانه بیز
.
.
سسلنور بیری من سو ایچمیرم گتمه قانلو میدانه سن بابا
سو آدین یانوندا گتورمرم کربلاده ئولسمده من بابا
یوخ مروّتی اهل کوفه نین گلمیوب سلامت گیدن بابا
قتلوی بولور واجب اهل کین نِئتمیشوق بابا کوفیانه بیز
.
.
بیر بالا قولون بوینونا سالور قویمارام دییورگیتماقا سنی
گل دوباره قییتر مدینیه جدّیمه دییوم جور دشمنی
یا آپار بو میدانه راضیم سنله باهم ئولدورسه لر منی
گرقبول ایدلّر بابا گلوب یالواراق بو شمر وسنانه بیز
.
.
بیر طرفده لیلا دوروب باخور فرصت آختارور کشف ایده سوزون
قویموری حیا دامنین دوتا دمبدم باخور دلدورور گوزون
عرض ایدیر الون من فداسیم اکبرینده آل قاننی اوزون
قویما اوغلومی ئولدورنلری ساق گوروب گلاق چوخ فغانه بیز
.
.
قلبی اودلانوب قلب عالمین گوردی اوزگه حالنده زینبی
قویدی اوز الین باجی قلبینه ساکت اییلدی اول مودبی
رأفتیله فرمایش ایلدی سن باجی بولورسن بو مطلبی
هر بلا که یوز دوندروب بیزه ایلروق قبول دوستانه بیز
.
.
من یتورموشم باشه عهدیمی بیربو باش قالور امتحان ویرم
عمرومون زوالی یاخونلاشوب سو یانندا لب تشنه جان ویرم
عشقمی ثبوت ایلیوم بو گون اهل عالمینه نشان ویرم
فخردور شهادت بیزه باجی باش و جان ویراق مشفقانه بیز
.
.
جدّیمون گیدر دینی زحمتی من بو گون باجی قانه باتماسام
خلقی اشتباهه سالانلارین کفرونی بروزه چخارتماسام
عترتیم اسیر شامه گتمسه ایسّی قوملار اوستونده یاتماسام
الله ایستیوب تشنه جان ویرم گلمیشوق بورا امتحانه بیز
.
.
(خادما) بو مرضای مسلمین کیم بولور دوشوبلر نه مشگله
التماس ایدوللر بو هیئته یالواروب گلوللر بیله دله
محضر امام زماندی بو ایلمه قیاس اوزگه محفله
عرض ایدیب سنونده مریضوی حضرت امام زمانه بیز
ایسته روق بوگون عیدگانه بیز
.
.
#مهدیه_خادم_تبریزی
#مهدیه_میلادیه
#ایلروق_شکایت_زماندن_حضرت_امام_زمانه_بیز
#ترکی #وداع
.
✍️ #زبدةالاشعار ✍️
.
🆔: @nohe_torki
نظر دهید