گلزار مصطفایه بیر غنچه گلدی نوبر #اصغریه_مصیبی_تبریزی

میلادیه حضرت علی اصغر و حالات آن طفل شش ماهه علیه السلام
.
.
.
محمد علی مصیبی تبریزی
.
گلزار مصطفایه بیر غنچه گلدی نوبر
چرخ وفا هُماسی کنز ولایه گوهر
.
آئینه صفادی مصداق هل اتی دی
مهمان کربلادی بیکس ربابه دلبر
.
به به بو نورعینه دلبند مشرقینه
بنزر گوزی حسینه شور و صفایه مظهر
.
زینت گلوب جنانه رحمت یاغوب جهانه
ایستکلی نازدانه آفاقه اولدی زیور
.
هردم دیور آناسی گلسون منه قاداسی
بولمم نه دور بهاسی لطف ایلیوبدی داور
.
وار گوزلرینده بیر غم ناآشنا و مبهم
طغیان ائدر مسلّم بیرگون بوغملی گوزلر
.
دیلسیزبالام نه نازدی حق آنلینا،نه یازدی
بیر اَلدی بیربوغازدی ائتمیش منی مکدّر
.
یوخ بیر دیئَن ربابه بانوی دلکبابه
بیر جرعه آب نابه حسرت قالار بو لبلر
.
بیردشت پربلا وار قرخ مین قشون قوا وار
هر درده ابتلا وار یوخ بیر دوا و بستر
.
سو خیمه لرده اولماز دشمنده رحم قیلماز
سیننده صود تاپیلماز غمدن یانار ئورکلر
.
اوندا ئوزون علی نی باغلارسان اللرینی
سسلرسن ائللرینی عطشاندی سبط حیدر
.
سقایه بی نهایت سن ایله سن شکایت
سو ایله سین عنایت ساقی دشت محشر
.
سقا آلار فراتی سیراب ائده بناتی
اما گئدر قانادی آتدان سالالا لشگر
.
آخر سوسوز قوناقی نیلر او قوم یاغی؟
عطشان قالان دوداقی سیرآب، اوخلار ایلر
.
اوچ پر اوخ احتزازی صادر اولار جوازی
باش باش بیچربوغازی، قان آغلیار حرملر
.
جانی چیخان زمانی عرشه سپلله قانی
آغلار قویار جهانی باشه وورار ملکلر
.
سسلن «مصیبی»سن اصغر آدین ئورکدن
ال چکمه بو اتکدن ائتسین عنایت اصغر
.
.
#اصغریه_میلادیه
#گلزار_مصطفایه_بیر_غنچه_گلدی_نوبر
#مصیبی_تبریزی
#ترکی
.
.