زبدةالاشعار

ای سپهر هل اَتیٰ نین آفتابی فاطمه #فاطمیه_مصیبی_تبریزی

« آفتاب هل اتی »
.
✍️ #زبدةالاشعار ✍️
.
🆔: @nohe_torki
.
محمد علی مصیبی تبریزی
.
ای سپهر هل اَتیٰ نین آفتابی فاطمه
سن سن اون بیر مُصحَفین فتح الکتابی فاطمه
.
.
صبح ازّلدن خلایق عشقیوین مخموریدی
نشئۀ احساسیوین سرمستی جنّ وحوریدی
خلقتیندن قصد ِ خالق آیری بیر منظوریدی
اون بیراولدوز نورینه نورین سنون منشوریدی
اولماسیدون ، آسمان همچون شب دیجوریدی
سن کی گلدون گون چکوب یوزدن نقابی فاطمه
.
.
.
لمعۀ عشقون سنون ، تا وار جهان ؛ تابنده دی
انجم و شمسُ الضّحیٰ و مَه قاپوندا بنده دی
طاق خضرانین فروغ لا یزالی سنده دی
نخل توحیده ثمرسن عزتین پاینده دی
حق بیزه هر نه وئروب والله سنون ساینده دی
جنّت و فرش و سماوات و حجابی ، فاطمه
.
.
.
یوز قویار درگاهیوه عشق و صفانی ایستیَن
مَشعر و میقات یا حِلّ و منانی ایستین
چکمز ال درگاه پاکیندن ولانی ایستین
خاک یثربده بقیع غمفزانی ایستین
سسلیر آدون ئورکدن کربلانی ایستین
بذل ائدن دور تربت خونین خضابی فاطمه
.
.
.
بیت الاحزانون سنون دیر و کِنشته وئرمرم
سینه دن عشقون گر اولسا رشته رشته وئرمرم
بیر بقیعین عالمین مین لر بهشته وئرمرم
ذرّه توپراقون اونون من لعلْ خشته وئرمرم
قبریده ماموره آیری رونوشته وئرمرم
سویلرم هر بیر سئوال اولسا جوابی ؛ فاطمه
.
.
.
ای بقیعین توپراقی بطنینده بیر محراب وار
آسمانینده محاقه غرق اولان مهتاب وار
بیر پوزولموش گلشنه نه آب و نه میرآب وار
اول مزاره اوچ یوز اون اوچ زائر بی تاب وار
ایله بیر زوّاره والله صاحب و ارباب وار
یوسفون دور الدن آلمیش صبر و تابی فاطمه
.
.
.
نور ذاتیندن سراج عشقی پویا ائتدیلر؛
خضر تک پیغمبری عرفانه گویا ائتدیلر
سن وئرن دمدن مسیحانی مسیحا ائتدیلر
آیه های کوثری شانونده معنا ائتدیلر
کربلا پرونده سین بو شرطه امضا ائتدیلر
اوغلیوون باشی اولا عشق آفتابی فاطمه
.
.
.
آستانیندن ال ئوزمز عشقه عنوان ایستیَن
جنّت الاعلاده انهار خروشان ایستین
سیل ائدرگوزدن سرشکین لطف شایان ایستین
باغ و بستان ایستین مُلک سلیمان ایستین
آدیوی سسلر ئورکدن درده درمان ایستین
غرق لطفون دورکیمین اولسا خطابی فاطمه
.
.
.
سائل درگاهیوه لطف و عنایت ایله سن
کیم ئورکدن آدیوی سسلر کرامت ایله سن
لاعلاج و چاره سیز دردی طبابت ایله سن
سن همان سان کی قیامتده قیامت ایله سن
صاق وصولدان شیعیانی سن شفاعت ایله سن
امتثال بارش رحمت سحابی فاطمه
.
.
.
دیده نی مخمورائدوب عشقون دولی پیمانه سی
کیم ایچوب دوتموش جهانی صیحۀ مستانه سی
ذکر تسبیحون اولوب الطاف حق شکرانه سی
افتخار کائناتین نازنین دُردانه سی؛
اولموشوق بیزاون بیرینجی شمعیوون پروانه سی
گلسه آفاقه سالار بیر انقلابی ، فاطمه
.
.
.
قوم اَسراء افتخار ائتسه اگر یحیاسینه
ارمنی، وئرسه ئورک گر مریمین عیسا سینه
موسویلر یا اگر عشق ائتسه لر موسا سینه
یوسفین ناز ائتسه لر اقوامی گر تقواسینه
شیعه ناز ایلر ولی ، پیغمبرین زهراسینه
شوره سالمیش شش جهات و نه قبابی فاطمه
.
.
.
ای حسین و مجتبی و زینبه مظلوم آنا
ای کی پهلوسی در و دیوار آرا باتمیش قانا
گوردیقون جور و جفالر فاطمه گلمز سانا
آز قالوبدی گر چه نار غمده قلبون اودلانا
قویماسان امّا حسینون عاشقی اوتدا یانا
شافع محشردی آدون انتصابی فاطمه
.
.
.
ظلم ثانی دن گرکدور دیده قان یاش آغلیا
بیر کبود اولموش عذاره هر قلم قاش آغلیا
نقش گلبرگین چکن لوح اوسته نقاش آغلیا
هم «مصیّب» سائل ِ محزون و کولباش آغلیا
سٶز بودور هرکیمسه آغلورصدقیلن کاش آغلیا
اولمیا محشر گونی وَجهُ العِتابی فاطمه
.
.
#فاطمیه_مدح
#ای_سپهر_هل_اتی_نین_آفتابی_فاطمه
#مصیبی_تبریزی
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  سالها خون شد دلم در آرزوی کربلا #کربلا_فغانی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی