ای عشق سپهداری سردار سلیمانی #قاسم_سلیمانی_نصیری_میانجی

در مقام شهید سردار سلیمانی
.
.
محمدرضا نصیری میانجی
.
.
ای عشق سپهداری سردار سلیمانی
زهرانون علمداری سردار سلیمانی
.
.
آدون گله هر یرده زهرا اوزی حاضیردی
آل اللهه سلمان تک چون منزلتون بیردی
عالمده شهید ئولمز روحون بیره ناطیردی
معیاره چک احراری سردار سلیمانی
.
.
غم لنمیشیدی روحون تزویر و ریالردن
ایش صندلی سی اوسته بیهوده دعالردن
الاندا یانور قلبون اول دوست نمالردن
آهون دوتا اغیاری سردار سلیمانی
.
.
نیلردی سنه یاره ؟ نور ازلیدون سن
نه اهل عبارات و قول و غزلیدون سن
آند اولسون ابوالفضله مرد عملیدون سن
تک قویمادون ابراری سردار سلیمانی
.
.
عشاق سبیل الله محرمدی سر داره
سن عاشق یار اولدون بیز سن کیمی سرداره
یاره گوره اهریمن ووردی سنه مین یاره
گوردون او زمان یاری سردار سلیمانی
.
.
سن مظهر بر حق شاه شهدا اولدون
مجذوب خدائیدون محبوب خدا اولدون
از بس که ولائیدون مغروق بلا اولدون
مات ایلدون ایثاری سردار سلیمانی
.
.
گلمز بیرینه سنله هم شان و مرام اولماق
بیهوده دی سسلندون دارای مقام اولماق
هر رتبه دن اعلادی زهرایه غلام اولماق
تاپدون گوزل اسراری سردار سلیمانی
.
.
پاک عشقووه بو شعر و بو مدح و ثنا قربان
عشق اهلی اسیر اولموش بو عشقووه یا قربان
بو جانه لیاقت ویر اولسون سنه تا قربان
خوار ایلمه بو خاری سردار سلیمانی
.
.
.
#قاسم_سلیمانی #نصیری_میانجی #ترکی #زبدةالاشعار