داده یتیش آلدیلار دوره می لشگر بابا #اکبریه_نادری

استمداد حضرت علی اکبر (ع)
.
✍️ #زبدةالاشعار ✍️
.
🆔: @nohe_torki
.
.
#سبک_ای_دل_اگر_عاشقی
#سبک_می_گذرد_کاروان ( با اضافه کردن واگیر )
.
مرحوم نادری میانجی
.
داده یتیش آلدیلار دوره می لشگر بابا
سالدیلار آتدان یره جان ویرور اکبر بابا
.
.
نازیله سن بسلدون ای گل ریحان منی
ایله دون آخر بو گون امّته قربان منی
ویردولا چوخ یاره لریخدیلار عطشان منی
باشمون اوسته دوروب شمر بداختر بابا
.
.
تازه جوانم بابا دادیمه یوخدور گلن
قوملارون اوسته دوشوب اکبر گلگون کفن
سن گورن اکبر دگول پاره لنوب گُل بدن
گیتدی الوندن بوگون شبه پیمبر بابا
.
.
قویما گیلان آی بابا حالیمی لیلا بوله
باشی آچوخ قورخورام باشیمین اوسته گله
هیچ آنا تاب ایله مز تازه جوانی ئوله
تکجه بو حالی بولر اوغلی ئولنلر بابا
.
.
ای بابا تیز داده گل یخدیلار آتدان منی
ایله دی بو قوم دون قانیمه غلطان منی
گل گور آلوب اورتیا ئولدورور عدوان منی
قتلیمه لشگر چکوب گور نجه خنجر بابا
.
.
باشیمی سیندردیلار جانه بابا دویمشام
یاره می یوخ باغلیان قانیمه غرق اولمشام
سوز عطشدن بابا لاله کیمین سولمشام
گلمدی امدادیمه ساقی کوثر بابا
.
.
ئولمه گمه اینجمم ایلمرم واهمه
گوزلری یولاردا دور ایندی باجیم فاطمه
یاز باجیما اکبرین تابدی ایشی خاتمه
حجله سی دور قتلگه شمعدی شش پر بابا
.
.
یاز باجیما باشینه ایندی قرا باغلاسون
اکبرون الدن گیدوب یولارا چوخ باخماسون
اکبره نا خوش باجی داغلا جگر داغلاسون
قالدی طویوم محشره ای مه انور بابا
.
.
ای بابا ساق قالماقا اکبر ه یوخدور گمان
ئولمه میش اوغلون بابا قدون اولوبدور کمان
کرب و بلا «نادری» اکبره اولدی مکان
قالدی اوغلسوز بوگون شافع محشر بابا
.
.
.
#اکبریه_نادری
#اکبریه_شهادت
#داده_یتیش_آلدیلار_دوره_می_لشگر_بابا
#ترکی
.
✍️ #زبدةالاشعار ✍️
.
🆔: @nohe_torki