زبدةالاشعار

کیم ووردی علینون باشنا یاره حسینیم #حیدریه_امانی_اردبیلی

زبانحال حضرت زینب (س) در شهادت حضرت علی (ع)
.
.
.
#سبک_ای_باد_صبا … 7 سبک (مشابه)
.
حاج علیرضا امانی اردبیلی
.
کیم ووردی علینون باشنا یاره حسینیم
کیم ائتدی منیم معجریمی قاره حسینیم
.
.
مسجدده فغان ایلین اثناده ملکلر
مشغولیدی ذکرِ حقِ داداریله حیدر
آیا نه گناه اوسته چکوب زهریلی خنجر
باشدان باباما وُردی عدو، یاره حسینیم
.
.
دنیاده منی ، بختی گونی قاره یازوبلار
اقبالی یازاندا، منی آواره یازوبلار
چارَم ندی ؟ بو دهریده بیچاره یازوبلار
آیا باباما کیم ائده جک چاره ؟ حسینیم
.
.
زینب اولا آلنینّان آخان قانینه قربان
غمنن یورولوبدی یورولان جانینه قربان
عالملر اولا عهدینه پیمانینه قربان
پیمانی قویوب عالمی آواره حسینیم
.
.
بیر شخصی کی عالمده اولوب پیشه سی مردی
چیگنینده غذا بیوه و اَیتامی گزردی
بیر حاله دوشوبدور وُرور اود عالمه دردی
طاقت یوخی حتی گَلَه گفتاره حسینیم
.
.
حاشا بو قرا بختیمین احوالی دوزَلسین
آماده اولوب قلبیمی محنت اوخی دَلسین
دعوت ائلییک محنته زهرا ئوزی گَلسین
دلبر ئوزی قان آغلیا دلداره حسینیم
.
.
.
#حیدریه_شهادت
#کیم_ووردی_علینون_باشنا_یاره_حسینیم
#ترکی #امانی_اردبیلی
#زبدةالاشعار

متن پیشنهادی:  ترحّم ایت من محزون و بیقراره الهی #راه_شام_خوندل_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی