گیدردی روضهٔ پیغمبری ائدردی مکان #فاطمیه_یحیوی_اردبیلی

زبانحال حضرت زهرا (س) بر مزار خاتم الانبیا (ص)
..
..
مرحوم یحیوی اردبیلی
..
..
گیدردی روضهٔ پیغمبری ائدردی مکان
باخاردی قبره اولاردی سرشگ چشمی روان
..
اؤپردی گاه رسول خدا مزارینده
آخاردی دامنینه گوز یاشی عذارینده
..
ایدردی زلفینی جاروب اول انیس بلا
سیلردی قبر شریفون توزون، خانم زهرا
..
توکولموشیدی او داش که اونون زمینه سینه
او سنگ ریزه لری جمع ایدردی سینه سینه
..
ایدردی سینه سینی چاک چاک فرقتدن
یاپشدیراردی او قبرون داشینا محنتدن
..
ایدردی ناله و افغان با دل محزون
دو شردی تنگه نفس غش ایدردی اول خاتون
..
گلوردی شیر خدا فاطمه باشی اوسته
آیلدوب اول خانمی غشّدن چوخ آهسته
..
دوتوب الین آپاراردی او بیت والایه
یارالی قلبی اونون تا گله تسلّایه
..
قدم قویاندا ایوه اول عزیزۀ آفاق
گورردی یوخدو پیمبر چکردی ایودن آیاق
..
هانی او روح الامین ایلین زماندا نزول
دییردی وئرسین اجازه منه رسول بتول
..
گیجه آلوردی کناره حسینله حسنی
آچاردی معجرینی بنت احمد مدنی
..
ییغوب حصیری حصیر اوسته مسکن ائتمزدی
چراغ منزلی تا صبح روشن ائتمزدی
..
قرانلوق ایوده قوری یرده بو فلکدن داد
پیمبرون قیزی ایلیردی ناله و فریاد
..
یانقلی دیللریله ایلیوردی شیون زار
آنا سسینه قوشاردی سسین ایکی بالالار
..
حسن حسین گلون آخر ایویم یخلدی منیم
فلک جفائیله سولدوردی گلشن و چمنیم
..
دیردی زهر سمومیله جان ویرن آتا وای
عرب یهودلریندن جفا گورن آتا وای
..
چوخ اینجیدون باباجان جهل کار امّتدن
یات ایندی قبرده دوشدون کناره زحمتدن
..
..
#فاطمیه #یحیوی_اردبیلی #فاطمیه_شهادت #ترکی #زبدةالاشعار