ﺍﯼ ﺷﻮﻕ ﻭﺻﺎﻟﯿﻨﺪﻩ ﺍﻭﺭکلر ﺗﻠﺴﻦ ﮔﻞ #مهدیه

یا مهدی
.
✍️ #زبدةالاشعار ✍️
.
🆔: @nohe_torki
.
الماسی اهری
.
ﺍﯼ ﺷﻮﻕ ﻭﺻﺎﻟﯿﻨﺪﻩ ﺍﻭﺭکلر ﺗﻠﺴﻦ ﮔﻞ
ﺍﯼ ﺣﺴﺮﺗﯿﻨﻪ ﺍﻣﺘﯽ ﮔﻮﺯ ﯾﺎﺷﯽ ﺗﻮﮐﻦ ﮔﻞ
.
ﭼﻮﺧﺪﺍﻧﺪﯼ ﮐﯽ ﮔﻮﺯ ﯾﻮﻟّﺎﺭﯾﻮﺍ ﺗﯿﮑﻤﯿﺸﻮﻕ ﺍﻣﺎ
ﻋﺎﻟﻢ ﺑﯿﺰﻩ ﺳﻨﺴﯿﺰ ﺩﺍﯼ ﺍﻭﻟﻮﺏ ﺑﯿﺖ ﺍﻟﺤﺰﻥ ﮔﻞ
.
ﭼﻮﺧﺪﺍﻧﺪﯼ ﺍﻭﺭکلر ﺗﻠﺴﻮﺭ ﺑﻐﺾ ﮔﻠﻮﺩﻩ
ﭼﯿﺦ کعبه دن ﺍﯼ ﺍﻣﺘﯿﻨﻪ ﻧﺎﺯ ﺍﻟﯿﯿﻦ ﮔﻞ
.
ﭼﻮﺧﺪﺍﻧﺪﯼ ﺧﺮﯾﺪﺍﺭﯾﻠﺮﻭﻥ ﻣﻨﺘﻈﺮﻭﻧﺪﯼ
ﺍﯼ ﺍﻟّﺮﯾﻨﯽ ﯾﻮﺳﻒ ﮐﻨﻌﺎﻧﯽ ﺍﻭﭘﻦ ﮔﻞ
.
ﭼﻮﺧﺪﺍﻧﺪﯼ ﭘﺮﯾﺸﺎﻥ ﺍﻭﻟﻮﻧﻮﺏ ﺯﻟﻒ ﻏﻤﻮﻧﺪﻩ
ﺍﯼ ﻣﻬﺮﯾﻠﻪ ﺑﻮ ﺯﻟﻔﻮﻟﺮﻩ ﺷﺎﻧﻪ ﭼﮑﻦ ﮔﻞ
.
ﭼﻮﺧﺪﺍﻧﺪﯼ ﺳﻮﻧﻮﺏ ﺷﻤﻊ ﻋﺪﺍﻟﺖ ﯾﺌﺮ ﺍﻭﺯﻭﻧﺪﻩ
ﺍﯼ ﻇﻠﻢ ﻭ ﺟﻔﺎﻧﯽ ﯾﺌﺮ ﺍﻭﺯﻭﻧﺪﻥ ﺍﯾﺘﯿﺮﻥ ﮔﻞ
.
ﭼﻮﺧﺪﺍﻧﺪﯼ ﻋﻠﯿﻨﻮﻥ ﻗﺎﭘﻮﺳﯽ ﺑﺎﻏﻠﯽ ﻗﺎﻟﻮﺑﺪﯼ
ﺍﯼ ﺭﯾﺸﻪ ﯼ ﺑﯿﺪﺍﺩ ﻭ ﺳﺘﻤﮑﺎﺭﯼ ﮐﺴﻦ ﮔﻞ
.
ﭼﻮﺧﺪﺍﻧﺪﯼ ﺁﻧﺎﻥ ﻓﺎﻃمه نون ﻗﺒﺮﯼ ﺗﺎﻧﯿﻨﻤﻮﺭ
ﺍﯼ ﻓﺎﻃمه نون ﻏﻤﻠﯽ ﻣﺰﺍﺭﯾﻦ ﺗﺎﻧﯿﯿﻦ ﮔﻞ
.
ﭼﻮﺧﺪﺍﻧﺪﯼ ﮐﯽ ﺍﻟﻤﺎﺳﯽ ﯾﺎﺯﯾﺮ ﻣﺪﺡ ﻭ ﺛﻨﺎﻭﯼ
ﺍﯼ ﻃﺒﻌﯿﻨﯽ ﺯﯾﺒﺎ ﻗﻠﻤﯿﻦ ﺗﯿﺰ ﺍﻟﯿﯿﻦ گل
.
#مهدیه
#ای_شوق_وصالینده_اورکلر_تلسن_گل
#الماسی_اهری
#ترکی
.
✍️ #زبدةالاشعار ✍️
.
🆔: @nohe_torki