زبانحال دختر حضرت علی (ع) بعد از دفن پدر
.
.
#زبدةالاشعار
.
: @nohe_torki
.
#سبک_زینبم_جان_اوستیم … 4 سبک
.
مرحوم سید حسین کهنمویی ( ریاضی تبریزی )
.
حمل قیلدون ئوز بابان نعشین هارا ، قارداش حسن
سن نجه قویدون یوزون توپراقلارا ، قارداش حسن
.
ئوز آتام أسرار مرگیندن ئوزی آگاهیدی
رهروان قُرب حقّه رهنمای راهیدی
یعنی عین الله ناظر ، وجهی وجه اللهیدی
نور حق آئینۀ قدرت نما ، قارداش حسن
.
.
اوندا که نعشین آپاردون ، تو کدوم اشگی دیده دن
بستر مرگین یغاندا ، ایلدیم چوخ ناله من
عطرین آلدیم رختخوابیندن ، نه عطر نسترن
بلکه عطر و بوی ختم الانبیا ، قارداش حسن
.
.
گرچه گوردوم سیز آتام نعشین آپاردوز قالمادی
سایۀ لطفین یَتاما باشی اوسته سالمادی
گلستانی سیر ایدن بلبل گل عطرین آلمادی
ئوز گلین بلبل گرکدور آختارا ، قارداش حسن
.
.
نوزدهّمده که افطاره منه مهمانیدی
ناطق قرآن دلینده دائماً قرآنیدی
ماجرای صبحه گویا ، واله و حیرانیدی
یاتمادی راحت او میر مقتدا ، قارداش حسن
.
.
من که بیلموردوم اولوبدور ئولماقیندن باخبر
سویلدیم جانیم سنه قربان اولا ، نه وار مگر
ائتدی فرمایش وئروبدور مُخبر صادق خبر
صبح آچیلسا من اولام دینه فدا، قارداش حسن
.
.
گوردی بو سوزدن یتیشدی قلبیمه چوخ انکسار
سویلدی صبر ائت قزیم صبر ائتماقون چوخ اجری وار
هر نه وار مخلوق ئولر قالماز مگر پروردگار
تسلیت وئردی منه شیرخدا، قارداش حسن
.
.
نعشینی دفن ایلدون قبریندن آیریلدون نجه
خاکریز ائتدون او قبر پاکدن دوردون نجه
آیریلوب گلدون اونی مدفنده تک قویدون نجه
ایستمز بلبل گلوندن آیریلا ، قارداش حسن
.
.
بلبلم هرگز گلیمدن ال چکوب آیریلمارام
ئوز گلومدن عطرین آلّام اوزگه گلدن آلمارام
یاره یالوارّام اودور اغیاره من یالوارمارام
هر نه ظلم ائتسه منه خار جفا ، قارداش حسن
.
.
کربلانین ماجراسیندن وئروب جدیم خبر
یاده دوشدوقجا اولور جاری یوزه اشگ بصر
گل حسینیمدور ، منم بیر بلبل شوریده سر
وار قاباقدا ماجرای کربلا ، قارداش حسن
.
.
دل یانار محبوبینون خالی گورن موقع یرین
خاک و خاشاکین سیللَلّر گل درن موقع یرین
راحت ایللّر یقین دور جان وئرن موقع یرین
خاصّه جسمی اولسا سرتاسر یارا ، قارداش حسن
.
.
او ندا که پیغمبر اوغلون تشنه کام ئولدوردوله
قتلگاه کربلا پوزقون گلستاندور گُله
وای اولا هجران کشیده دیده گریان بُلبُله
آل حیدر باغلانالّار قول قولا ، قارداش
.
.
کربلاده ائتمرم شِکوه جفای خاردن
ئوز گلومی آختاروب تاپسام اگر گلزاردن
بزم رازی ایسترم خالی اولا اغیاردن
ایلیم درد فراقه بیر دوا ، قارداش حسن
.
.
« کهنموئی» ، عمریوی بیجا یره ائتمه هدر
سعی ایله تا نخلۀ عمرون وئره یأخشی ثمر
یاز اوخی بو نوحه نی سندن صورا قالسون اثر
حمل قیلدون ئوز بابام نعشین هارا ، قارداش حسن
.
.
#حیدریه_شهادت
#حمل_قیلدون_ئوز_بابان_نعشین_هارا_قارداش_حسن
#ریاضی_تبریزی
#ترکی
.
#زبدةالاشعار
.
: @nohe_torki
نظر دهید