زبانحال حضرت اباعبدالله الحسین (ع) بر بالین برادر
.
.
#سبک با صدای حاج داود بیدق داری (اجرا در سال 93)
.
مرحوم حاج داود بیدق داری (داور)
.
دور ای منی قارداشسیز قویان ابالفضل
الیم قالوبدور بئلده اویان اباالفضل
.
عَلَمون هاردا تکسوار
بو نه قاندورگوزونده وار
.
ای آتامدان نشان ابالفضل
آیریلقدان امان اباالفضل
.
.
.
.
دور ای آدی دیللرده قالان ابالفضل
قرار وصبری دلدن آلان ابالفضل
.
داخی سنسیز نئیم قالور
منه دشمنلر اَل چالور
.
منیم آرخام ائلیم ابالفضل
ايندي سیندی بئلیم ابالفضل
.
.
.
.
پناهیدون سن قارداش بو بی پناهه
آنام گلوبدور گویا بو قتلگاهه
.
آشنادن نشان گلور
سندن عطر جنان گلور
.
دور ایاقه یارالی قارداش
دوشدون ائلدن آرالی قارداش
.
.
.
.
گوروب دوداقون قارداش فرات اوتاندی
سسون گلنده گویا زمان دایاندی
.
بو منم قارداشون حسین
سالمشام گورنه شور وشین
.
من سنه آغلورام ابالفضل
سینه می داغلورام ابالفضل
.
.
.
.
علم یاتوبدور قارداش داغلدی مشکون
سوآخدیقیجا یئرده آخوبدور اشکون
.
عَلَمون قانیلن باتوب
بیرگوزون ظلمیدن آخوب
.
اوچ پر اوخدان امان ابالفضل
اولدی قدّیم کمان ابالفضل
.
.
.
.
وروبله یئر پیکانه گوزل گوزونده
نوای یا زهرا وار سنون سوزونده
.
آنامین زائری اویان
ایاقون اوسته بیر دایان
.
آپاریم بلکه تا خیامه
یوز قویام روی لاله فامه
.
.
.
.
سو ایچمدون نهر ایچره وفالی قارداش
سودا اوتاندی سندن یارالی قارداش
.
سنی بو حالدا گورمیشم
قولووی یولدا گورمیشم
.
دیلده گلدیم فغان اباالفضل
اولمشام باغری قان ابالفضل
.
.
#عباسیه #بیدقداری
#عباسیه_شهادت
#دور_ای_منی_قارداشسیز_قویان_ابالفضل
#ترکی
#زبدةالاشعار
نظر دهید