« تقدیم به مقام همایونی حضرت عبدالعظیم حسنی »
.
.
.
مصیبی تبریزی
.
.
قلم ؛ عشق حادث اولا یا قدیم
او ساحت ده طوفان اسه یا نسیم
عدول ائتمه ، درگاهینه اول ندیم
صفاوار بو درگهده،یوخ خوف وبیم
گذار ایله ری مُلکینه اول مقیم
او وادی ده وار بیر مرید سلیم
یاز عالم بوله ؛ کیمدی “عبدالعظیم”
.
.
.
سماوات عشقه قمر ری ده دی
کمالات دینه ثمر ری ده دی
عروج ائتماقا بال و پر ری ده دی
دئنن حاتمه تاج سر ری ده دی
تبار حسن دن پسر ری ده دی
خروشنده موج عظیم اوغلودی
کرم کانی دی چون کریم اوغلودی
.
.
.
خداجو ، صفا منظر و مُتّقی
اونون دشمنی نابکار و شقی
ائمّه الیندن آلان بیرقی
امام رضا ، عسکریّ و تقی
و بیرده امام علی النّقی (۱)
رشید و برازنده بس بُنیه سی
ابوالقاسمیدی اونون کُنیه سی
.
.
.
بو بیر گولدی عطرین ختندن آلوب
صفاسین بهشت عَدَندن آلوب
کمالاتینی پنج تندن آلوب
مرامین همان انجمندن آلوب
وقارین امام حسندن آلوب
حلاوت سوزوندن هویدائیدی
شرافت مرامینده پیدائیدی
.
.
.
خبرلرده وار زائر ری اولان (۲)
زیارت هواسیله ری ده قالان
همان زائر کربلادور اینان
او تربتده واردور صفای جنان
نه کرب وبلا، وار بقیعدن نشان
نوا اهلینه حق نئجه نی وئروب
بیزه نینوا وجهینه ری وئروب
.
.
.
الا ! پور آزادۀ مجتبی
سن ای نجل فرزانۀ هل اتی
دعا ائت اولاخ بیزده حاجت روا
یازیلسون بیزه تذکره ، کربلا
ائداق توپراقین گوزلره توتیا
قزیل توپراقیندان طراوت آلاق
ئورکلرده کی عشقه قیمت آلاق
.
.
.
کریم اوغلوسان قلبی زار ائتمه سن
عزا ساخلیان جمعی خوار ائتمه سن
دوز عاشقلری شرمسار ائتمه سن
احبّانی درده دچار ائتمه سن
گرفتار اغیار و یار ائتمه سن
سن ای آرتیران مکتبین رونقین
یتیر ساحل امنه دین زورقین
.
.
.
بو بیر سوزدی ایللر دوشوب دیللره (۳)
کی بیر گون بو پیر ملک منظره
گلوب محضر حجّت داوره (۴)
مریدم دئدی آل پیغمبره
ائمّه آدون ذکر ائدوب یکسره
او لحظه دیوبدور امام همام
خیال ائتمه مندن صورا یوخ امام
.
.
.
بونی بول کی گلزاریمین شهدی وار
علیّ النّقی نین ولیعهدی وار
بو بیر سوزدی عالملر آگه دی ؛ وار
کی اوغلوم حسندن صورا مهدی وار
بو امره اونون جِدّی وار جهدی وار
بو اسراری ذکر ایلورم مستقیم
یقینه یتیش سنده ، عبدالعظیم
.
.
.
غرض سیر عمری دوشوب سرعته
امامین سوزیله گلوب غربته
او غربتده مشغول اولوب طاعته
باشین اگمیوب خفت و ذلته
چاتوب ماه شوّالیده رحلته
فراقینده چوخ سینه لر داغلانوب
ورودیِّ شهره قرا باغلانوب
.
.
.
او گون کی وئروب جان صفا مظهری
گوروب بیر نفر خواب پیغمبری
کی امر ایلیور دفن ائدون پیکری
بو بحره دوشر رحمتین لنگری
بو قبره ملکلر اولار مشتری
مشخّص ائدوب قبرینین توپراقین
همان ابن عبدالوهابین باغین (۵)
.
.
.
جماعت گلوب دفنینه یکسره
شکوهیله تشییع اولان نوکره
یارانمیشدی بیر با صفا منظره
ولی جان فدا آیری بیر پیکره
کفن سیز وجودی دوشن چوللره
لب عطشان اونون جانینی آلدیلار
یارالی باشین کوللره سالدیلار
.
.
.
«مُصَیّب» بو یولدا دئمز خستییم
یازار ؛ غیریدن منده وارستییم
حسینون یقین ؛ نوکر پستییم
ولیکن گوزل عشقینون مستییم
ئولونجه بو درگاهه وابستیم
قلم شوره گلجاق دیئر یاحسین
حسین عاشقی سسلیَر یاحسین
.
.
.
(۱) ایشان دوران حیات پنج امام از ائمه اطهار (ع) یعنی امام کاظم علیه السّلام تا امام عسکری را درک کرده است وبه روایات کتب الاختصاص “شیخ مفید” والتسمیة “میرداماد” به جز امام موسای کاظم به محضرهرچهارامام بعدی رسیده است.
(۲) ثواب الاعمال وعقاب الاعمال شیخ صدوق – منتهی الامال شیخ عباس قمی جلد اول
(۳) امالی شیخ صدوق
(۴) امام هادی(ع)
(۵) رجال نجاشی – ابوالعباس احمد ابن علی
.
.
#عبدالعظیم_حسنی #مصیبی_تبریزی
#قلم_عشق_حادث_اولا_یا_قدیم
#ترکی
#زبدةالاشعار
.
نظر دهید