باجيم زينب دونوب باغريم منيم القانه آز آغلا #فاطمیه_عدلی_تبریزی

زبانحال حضرت امام حسن علیه السلام خطاب به حضرت زینب سلام الله علیها
درشهادت حضرت فاطمه علیها سلام
.
.
عدلی تبریزی
.
.
باجيم زينب دونوب باغريم منيم آلقانه آز آغلا
بوقدری توكمه گوز ياشون دايان هجرانه آز آغلا
بو ايوده باد غم اسيلدی
آنام سسی داخی كسيلدی
.
.
سنون تك دل كبابم من آز آغلا آز منی ياندور
داخی اود ويرما بو اودلی دل سوزانه آز آغلا
.
سنه قربان حسن جانی بو قدری گلمه چوخ داده
دايان غمده مصائبده باجيم مردانه آز آغلا
.
ويروبلاراود قاپی ياندی آنام اوردا يارالاندی
دوشوب درده مریض اولدی گلوبدور جانه آز آغلا
.
حياليدی وفاليدی ياراليدی آنام زهـرا
بابام قويدی مزارايچره گئدوب رضوانه آز آغلا
.
واريمدی قلبيده بيرسوز اگر بو گوز ياشين قويسا
ديرديم بو سوزی زينب سن ای دردانه آز آغلا
.
حسينون عاشقی سنسن شريك نهضتی سنسن
چكللر شامه عشق اوسته يانان پروانه آز آغلا
.
قاباقدا ماجرای كربلا وار دور باجی زينب
بويانسا شمر الينده اللرون القـانـه آز آغـلا
.
ياتالّار قانه آغشته تراب اهلی تراب اوسته
كسر امّت حسين باشين اولار بيگانه آز آغـلا
.
دير«عدلی» ظهورينده خدا تعجيل ايده مهدی
گلوب قبرين نشان ويرسون من نالانه آز آغلا
بو ايوده باد غم اسيلدی
آنام سسی داخی كسيلدی
.
.
.