من کی می عشق حسین مستیم #حسینیه_مصیبی_تبریزی

میِ عشقِ حسین
شور احساسی ” یا حسین … ”
..
..
مصیبی تبریزی
..
..
من کی میِ عشق حسین مستیَم
عشقینه ایللردی کی وابستییَم
قووماز آقام تا کی مرام اوستییَم
جامۀ عشقون گییَرم یاحسین
درده دوشنده دییَرم یاحسین
..
..
مرحمتون دردیمه درمان وئرر
لَم۠عۀ عشقون دامارا قان وئرر
سن دئسن؛ آلله ئولیَه جان وئرر
مست شراب ظفرم یاحسین
درده دوشنده دیئرم یاحسین
..
..
جانلارا عشقوندی دلیل بقا
تا نفسیم وار منه سن سن آقا
آچمارام ال آیری کسه مطلقا
سانما قاپوندان دونرم یاحسین
درده دوشنده دیئرم یاحسین
..
..
دوزدی آقا ؛ بندۀ گمراهیوام
چوخدی گوناهیم دئمه بدخواهیوام
هر نه اولام سائل درگاهیوام
سائلیوم مفتخرم یاحسین
درده دوشنده دیئرم یاحسین
..
..
من دیل آچاندان آدیوی ازبرم
تا نفسیم وار قاپیوا نوکرم
والله ئورکدن بو آدی سسلرم
سسلَمه سم گر،ئولرم یاحسین
درده دوشنده دیئرم یاحسین
..
..
ای آدی حیثیّت محرابیمیز
وجهی قرانلیق گئجه مهتابیمیز
سن سن آقا دهریده اربابیمیز
جان سنه قربان ائدرم یاحسین
درده دوشنده دییَرم یاحسین
..
..
آیری بیر عالم دی سنون عالمون
تا بو جهان وار قورولار ماتمون
آند اولا آللهه اسر پرچمون
قاره علمدن ئوپرم یاحسین
درده دوشنده دییَرم یاحسین
..
..
دهره صفادی قره پرچم آقا
قاره ، اولوب زینت عالم آقا
منده هر ایل ماه محرّم آقا
اگنیمه قاره گیئرم یاحسین
درده دوشنده دییَرم یاحسین
..
..
روز و شبیم سیر اولور اندیشه وه
محوم آقا منصب حق پیشه وه
دعوت ائله مرقد ششگوشه وه
عمر آزالور باخبرم یاحسین
درده دوشنده دییَرم یاحسین
..
..
هاردا دوشر یادیمه قانلی باشین
صودامر اوغلون یارالی قارداشین
هاردا ائشیتسم آدیوی ، گوز یاشین
گوزدن عذاره الرم یاحسین
درده دوشنده دییَرم یاحسین
..
..
نقشی جفادن پوزولوب یاسیوون
سینه سینه آت چاپیلوب قاسیمون
قوللاری اولموش قلم عباسیوون
ظلم اودونا خونجگرم یاحسین
درده دوشنده دییَرم یاحسین
..
..
شعر«مصیّبدی» کی غوغاسی وار
فخرائلیور؛ سن کیمی مولاسی وار
مرحمتوندی بئله احساسی وار
آدیوه قربان کسرم یاحسین
درده دوشنده دییَرم یاحسین
..
..
#ورود_محرم #حسینیه_مدح #حسینیه
#قره_پرچم #من_کی_می_عشق_حسین_مستیم
#مصیبی_تبریزی #ترکی #زبدةالاشعار