شام غریبان
(کوچ کربلا)
.
.
مرحوم یحیوی
.
.
وئردون او گون امضا معبوده حسینیم
یتدون بو گون اما مقصوده حسینیم
.
.
اوز قانوه اولدون آلوده حسینیم
زهرا غمین ائتدون افزوده حسینیم
قوی زینب نالان چوللرده دولانسون
سن اکبریلن یات آسوده حسینیم
.
.
آهیمدن علاوه کیم دادرسیمدور
من طایر ماتم شهپر نفسیمدور
قلبیمه مؤثر اؤز ناله سسیمدور
بو یارہ سی یانمیش چادر قفسیمدور
فرشیم قوری تپراق ای شاه بسیمدور
سن اکبریلن یات آسوده حسینیم
.
.
فکر ایلمه قالدی زحمتده سکینه
یاتار قوجاقیمدا اول طفل حزینه
زلفیمدی لحافی باش آلتی سی سینه
اولّام متحمّل مادر عوضینه
زینب دؤزر آخر هر درد و غمینه
سن اکبریلن یات آسوده حسینیم
.
.
بو شام غریبان بی یار دی زینب
غم قافله سینه غمخوار دی زینب
فوج اسرایه سردار دی زینب
گوز یومماسون الحق ناچار دی زینب
صبحه کیمی یاتماز بیدار دی زینب
سن اکبریلن یات آسوده حسینیم
.
.
مین دام جفا وار هر رهگذریمده
مین شور بلا وار شوریده سریمده
هر لحظه سیزیلدار داغلار جگریمده
تاریک دی قارداش دنیا نظریمده
بیر عده قراول وار دؤر و بریمده
سن اکبریلن یات آسوده حسینیم
.
.
قولسوز سویون اوسته سقّا سنون اولسون
شش ماهه بالانی ساخلا سنون اولسون
هم قاسم نورس رعنا سنون اولسون
قربانلارویلن مینا سنون اولسون
بو تربت اقدس یکجا سنون اولسون
سن اکبریلن یات آسوده حسینیم
.
.
بو باشیز حرملر اما منیم اولسون
کلثوم و سکینه لیلا منیم اولسون
سیر ائتمگه دائم صحرا منیم اولسون
شکنجه و ظلم اعد منیم اولسون
ویرانه ده قارداش مأوا منیم اولسون
سن اکبریلن یات آسوده حسینیم
.
#شام_غریبان_یحیوی_اردبیلی #کوچ_کربلا_یحیوی_اردبیلی #کوچ_کربلا_ترکی #زبدةالاشعار
ویردون او گون امضا معبوده حسینیم #شام_غریبان_یحیوی_اردبیلی
نظر دهید