آتانون اللری اوسته بالاسی جان ویروری #اصغریه_عدلی_تبریزی

شهادت حضرت علی اصغر علیه السلام
.
.
حاج اصغر فرشچی (عدلی تبریزی)
.
.
آتانون اللری اوسته بالاسی جان ویروری
شعبه لی اوخ دگوب الله بوغازی قان ویروری
.
اشکی رخساره توکور گه اوپوری لعل لبین
لب یاقوتون اوپور گوهرغلطان ویروری
.
باغبان تشنه لب اولسا لاله سی باغدا سولار
سوویره لاله سینه دیده سی گریان ویروری
.
دوتور اوْجوندا سَپور قاننی افلاکه آتا
فتح شایانه چاتوب مژدۀ جانان ویروی
.
عاشق سوخته جان تحفۀ جانانه سینی
معتبر الده سندپارة قرآن ویروری
.
خیمه ده منتظری وار آناسی عمّه لری
گوردولر اصغریده مثل شهیدان ویروری
.
سسلدی زینبینی گل باجی یاندی اورگیم
حرمله اوخلادی سو ویردی بالام جان ویروری
.
حرمله اللری شل گوردی عطشدن یانوری
آلتی آیلوق بالادی حالی نمایان ویروری
.
آتدی بیر اوخ باجی جان قانی قاروشدی قانیما
بولدی گولدی آتاسی دینینه قربان ویروری
.
شیر خوار اصغریمه شعبه لی پیکان چوخودی
نجه گور قانی آخورصبریمه پایان ویروری
.
«عدلیا» اصغر آدون اصغره یاز شرح اَلم
نقدر قدرت فکر خامه وه امکان ویروری
.
.
.
#اصغریه #عدلی_تبریزی #اصغریه_شهادت #ترکی #زبدةالاشعار