اوزون ربابی دانیشدیر که حالی برهم دور #اربعین_آثم_تبریزی

زبانحال حضرت زینب (س)
راجع به حضرت رباب (س)
..
..
..
..
آثم تبریزی
..
..
..
..
اوزون ربابی دانیشدیر که حالی برهم دور
تمام خاطره سی درد و غصه و غم دور
..
دیار شامه گیدنّن عذاره اشکی آخار
بو قدر واردی حسین حالی نامنظّم دور
..
سوروش دئسون سنه اوز سرگذشتینی بیر بیر
رباب خاطری چون هامّودان مقدّم دور
..
اووشدوروب اورگین کربلایه دین قارداش
اورکده محنت و اندوهی عالم عالم دور
..
علی اصغرونون قانلو قونداقین گتیروب
اوغول اوغول دیوری حال زاری برهم دور
..
گیدوب تحمل و صبری فنایه محنتدن
او علّته غم و اندوهی دلده معظم دور
..
سالوبدی هجر علی اصغر اود یانان دلینه
جگرلری یانوری ناله سی دمادم دور
..
گوزون فداسی اویان حال غم فزاسینه باخ
آخان عذارینه اشگی چو آب زمزم دور
..
علی اصغرونون غصه سی توانین آلوب
باخاندا حالینه مطلق ئولوم مجسم دور
..
گلوبدی نی کیمی فریاده اصغرین سسلرر
آماندی یاتما اویان گور نه غرق ماتم دور
..
گورنده خردا اوشاق هر آنا قوجاقینده
چکردی ناله دییردی غمیم مکرّم دور
..
سالوبدی ناله لری غُلغُله سماواته
منیم بو عرضیمه شاید بو عرش اعظم دور
..
دیار شامه گیدن قافله گلوب خسته
تمامیسی دل رنجور دردی مُدغم دور
..
آماندی یاتما اویان قبرون اوسته غوغادور
دوباره دشت غم افزاده حشر اعظم دور
..
جهاندا بیله منظّم گل و گیاه اولماز
بو گلشنونده عجب گللرون منظم دور
..
گتوردوم اهل عیالون مزارون اوسته حسین
گذشت ائله باجووی بیر نچه بالا کم دور
..
سنه توجه مخصوص ایدوب خانم زینب
بو نوحه ده بو گجه «آثما» مسلّم دور
..
..