حلول ماه محرم
..
..
..
..
رضا غلامپور(دلپاک)
..
..
..
..
بویاندی فرش محرمده رنگ ماتمیله
گوروندی کنگرهٔ عرش پردهٔ غمیله
..
آچیب درفش عظیم عزانی روح الامین
دولوب قلوب ملائک ملال عظمیله
..
عصانی آتدی یئره غصه دن کلیم الله
گلیب عزایه اودور قد و قامت خمیله
..
عجب دگول کی مسیحا دئیم بو ماتمده
گلیبدی ناله و افغانه واپسین دمیله
..
امور تعزّیت و ابتهاله شام و سحر
اولوبدی مهر مهیّا مه محرمیله
..
جمال اهل عزا اشکیله تاپیبدی جلا
او نوعیله کی گولون وار جلاسی شبنمیله
..
کیمه عیاندی بولور کیم کیمه اولوبدور فاش
کی نیلییبدی محرم ملالی عالمیله
..
نقدری فاش اولا سرّ بو رنج اهل دله
گینه عیاندی هامی رنجی سرّ مبهمیله
..
اسیر صبا گجه گوندوز اوخور اورکده ملال
حدیث ناله نی هر یئرده قاره پرچمیله
..
بو آیدا بیر یارا قلب جهانه تیغ ستم
اله ووروب کی ساغلاماز دوا و مرهمیله
..
قوروب حسینینه بزم عزا خانم زهرا
او بزمه هاجر و سارا گلیبدی مریمیله
..
دوباره سس سسه وئرمیش شهید عطشانه
فرات اوزی اوخوری نوحه آب زمزمیله
..
بو آیدا قصهٔ خاتم جفای اهریمن
خدا بولور نه ائدیبدی رسول خاتمیله
..
تمام حدتیله باغلانیبدی آل الله
بو آیدا قولقولا بیربیر طناب محکمیله
..
بو آی ووروبلا حسین باشینی جدا باشینا
بلا چولونده جفا اهلی حال خرمیله
..
یاناندا خیمه لری اودا نازنین بالالار
داغلیدی چوللره یکسر خیال برهمیله
..
بهشت کوی حسیندور که ساکنی دلپاک
خدایه آند اولا بیگانه دور جهنمیله
..
بویاندی فرش محرمده رنگ ماتمیله #ورود_محرم_دلپاک
نظر دهید