زبدةالاشعار

بیر بلبلم خزانه گئدوب گلشن آغلارام #حضرت_رقیه #واقف_سرابی

زبانحال حضرت رقیه سلام الله علیها در خرابه شام
.
✍️ زبدة الاشعار ✍️
.
?: @nohe_torki
.
مرحوم واقف
.
بیر بلبلم خزانه گئدوب گلشن آغلارام
هیچ بلبل آغلاماز بوقدر که من آغلارام
.
خیمم یانوب ائلیم داغیلوب قارداشیم اُلوب
زنجیره باغلیوب قولومی دشمن آغلارام
.
گون ایسّی بوینوما غل آهن ووروبدی شمر
من آغلارام بو حاله یانوب آهن ،آغلارام
.
بیر یوسف مدینم اُلوب یوخ نشانه سی
اگنینده قویمیوبدوله پیراهن آغلارام
.
قارداش قسم او جانیوه شیون ائدنده من
هر ناقه ایلدی منیلن شیون آغلارام
.
باشون گتوردی شامده باشی آچوخ قویوب
بیر گلمدون خرابیه قارداش سن آغلارام
.
دردون علی خرابه ده دلدن سالوب منی
بو شام اهلی سالمادیلار دلدن آغلارام
.
توپراقلار اوسته اُلمگیمون مشقین ایلرم
یوخدور چراغ تا ایلیم روشن آغلارام
.
قول باغلو آج سوسوز ویرورم جان خرابه ده
عمم قوجاقلیوب آنام آغلار من آغلارام
.
بُلَّم هامی گئدر وطنه من گئدنمرم
کنج خرابه نی ائدرم مسکن آغلارام
.
هروقت سو گورنده دوشرسن خیالیمه
چون جان وئرنده ایچمه موسن سو سن آغلارام
.
«واقف» حسینه آغلیان عقباده آغلاماز
ذکر مصیبتون اولی مستحسن آغلارام
.

#حضرت_رقیه_شهادت
#بیر_بلبلم_خزانه_گئدوب_گلشن_آغلارام
#واقف_سرابی
#ترکی
.
✍️ #زبدةالاشعار ✍️
.
?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی