زبدةالاشعار

عمّه سینه همدم ، ایستکلی رقیّم #حضرت_رقیه #مصیبی_تبریزی

«زبانحال زینب کبری(س) در فراق رقیه خاتون »
.
✍️ زبدة الاشعار ✍️
.
?: @nohe_torki
.
.
محمدعلی مصیبی تبریزی
.
.
سبک: آخشام اولدی ننه …
.
.
عمّه سینه همدم ، ایستکلی رقیّم
ویرانسراده یومدی گوزینی
.
اکبرین قراسی اگنینده گئدوبدی
اکبره دئسون ئورک سۆزینی
.
لای لای رُقیّم (٤)
.
.
.
.
گل یوزی گولمدی قارداشی گلمدی
آغلار گوزیلن وئردی قیزیم جان
.
بولوت تک دولوبدی آچمامیش صولوبدی
چوخ گوردی غصه دوشدی ایاقدان
.
لای لای رقیم (٤)
.
.
.
.
آخشام اولان زمان قلبی دولان زمان
باخاردی یولا حسرت گوزیلن
.
بالام دینجلمه دی کیم دردین بولمه دی
یاتدی توپراقدا نیلی یوزیلن
.
لای لای رقیم (٤)
.
.
.
.
یات منیم همنالم زهرای سه ساله م
قبریوی ئوزوم قازارام قیزیم
.
گوزومین یاشیلن صولماقیوین شرحین
قبریوین اوسته یازارام قیزیم
.
لای لای رقیم (٤)
.
.
.
.
سنون ماتمینده نیسگیللی غمینده
هم آغلارام من هم آغلار لیلی
.
سنی غملریوردی ساربانلار ووردی
حقین وار مندن اولسان گلیلی
.
لای لای رقیم (٤)
.
.
.
.
فریاد اول ساعتدن باباسینون باشین
نازلی رقیّم آغوشه آلدی
.
بیرباخدی حسرتله قانه غلطان باشه
هم سیلدی قانین هم لای لای چالدی
.
دئدی آچ گوزیوی باخ گور ؛ گلشنیوی
صرصر جفا نه حاله سالدی
.
لای لای رقیم (٤)
.
.
.
.
آغلاردی دیئردی اولسیدون سن بابا
آگاه اولاردون ئورک سۆزومدن
.
اولسیدون سن باباقویمازدون گوزیاشیم
سیلابه دونسون شهلا گوزومدن
.
اولسیدون سن بابا جرأت ایله مزدی
شمرِدون ورسون سیلی یوزومدن
.
لای لای رقیم (٤)
.
.
.
.
آغلاردی دیئردی ای دینون یولوندا
جاه و جلال و کامه چاتان باش
.
اللٰهینه خاطر شوکت و مقام و
اهل وعیالین باشدان آتان باش
.
تا گوردوم یوزیوی بیلدوم کی سنیدون
اوگئجه کوللر اوسته یاتان باش
.
لای لای رقیم (٤)
.
.
.
.
آغلاردی دیئردی کربلا چولوندن
آیریلان زمان طوفان یوخیدی
.
دگمیشدی از بس کی یاره پیکریندن
بوسه وورماقا امکان یوخیدی
.
گورمیشدیم باشیوی نیزیه ووراندا
آننوندا بابا هئچ قان یوخیدی
.
لای لای رقیم (٤)
.
.
.
.
آغلاردی دیئردی جان بابا سینمده
باخ اضطرابه باخ التهابه
.
باخ قانلی ایاقه باخ یاره قولاقه
باخ قوللاریمدا نقش طنابه
.
آل گویلونی بابا ناگران عمه مین
هردم ده بیر باخ بیکس ربابه
.
لای لای رقیم (٤)
.
.
.
.
آغلاردی دیئردی گلدون بابا ئوزون
بس قالدی هاردا اکبر و قاسم
.
دی گوروم جان بابا هئچ سیراب ائدوبلر
سنی آخرده بو قوم خاصم
.
سن گلدون یارالی بس ندن گلمدی
امّیدیم روحیم عموم عباسیم
.
لای لای رقیم (٤)
.
.
.
.
آغلاردی دیئردی گوزلروندن ایراق
بابا ؛ وروبلار قمچی ائلیوه
.
باخ بیر تقدیریمه بو ویرانسرانی
ائدوبلر منزل بندِ دلیوه
.
آخر نفسیمدی آچ گوزلریوی باخ
شانه وریرام قانلی تلیوه
.
لای لای رقیم (٤)
.
.
.
#سبک_آخشام_اولدی_ننه
.
.
#حضرت_رقیه_شهادت
#عمه_سینه_همدم_ایستکلی_رقیم
#مصیبی_تبریزی
#ترکی
.
✍️ #زبدةالاشعار ✍️
.
?: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی