زبدةالاشعار

واریمدی صفحه ی دلده، حکایتیم یارالی #حضرت_رقیه #احمدیان_خسروشاهی

زبانحال رقیه خاتون خطاب به سر مبارک اباعبدالله
.
✍️ #زبدةالاشعار ✍️
.
🆔: @nohe_torki
.
احمدیان خسروشاهی
.
واریمدی صفحه ی دلده، حکایتیم یارالی
یزید شومین الیندن، شکایتیم یارالی
.
خرابه ده گئجه گوندوز، یولووی گوزله میشم
اورکده وار سنه بی حد محبتیم یارالی
.
گوزوم یاشی قوروماز، گوزده سندن آیریلالی
سنیله گئتدی الیمدن جلالتیم یارالی
.
مریضه یم اودی گلدون بابا عیادتیمه
طبیب عشقسن ایله طبابتیم یارالی
.
گرک گلنده سنی پیشواز ائدیدیم من
چوخ اعتذار ائدیرم، اولدی غفلتیم یارالی
.
سنون بو گلماقوى نصف شده بولمه میشم
اولوبدی سلب فراقونده طاقتیم یارالی
.
قوناق گلنده اونا، میزبانی حرمت ائدر
یوخومدی درد و بلادن، فراغتیم یارالی
.
گرگ بو گلماقوا، جانیمی فدا ائلیم
او بارہ دن اولا جبران خجالتیم یارالی
.
اولوبدی منزل ویرانه آشیانه بیزه
شکسته پر قوشا واردور شباهتیم یارالی
.
دوداقلاروندا کی بو یاره لر نه یاره سیدور
گورن کیمی اولور افسرده حالتیم یارالی
.
سینونده ناز ائلین گونلریم دوشور یادیما
اودور آخور یوزه بو اشک حسرتیم یارالی
.
یقیندی قبره آپارّام اورکده سؤزلریمی
بیانه مانع اولور حال رقتیم یارالی
.
یاناندا خیمه لرون قاچموشام بیابانه
واریم او واقعه دن ایمدی وحشتیم یارالی
.
گلنده شامه منی، ناقه دن یخوبلا یره
سالور وجودیمه رعشه، او حالتیم یارالی
.
یتیمه قیز اوشاقی، غربت ئولکه، قورخولو یول
دوشنده یادیمه یانّام او ساعتیم یارالی
.
او یولدا خار مغیلان باتوب ایاقلاریما
ایاقلاریمدا هله وار جراحتیم یارالی
.
قالور یادیمدا جدا اوسته گئتمدون دوردون
منی گذشت ائله چوخ اولدی زحمتیم یارالی
.
ندندی گلموری اكبر منیم عیادتیمه
بو بیر همیشه لیق اولدی عمارتیم یارالی
.
چوخ ایستوری اوره گیم، شیرخواره قارداشیمی
گئجه گونوز ائله اصغردی صحبتیم یارالی
.
هایاندادور عموم عباس چوخ وفالیدی
ندندی گلمز او كان شجاعتیم یارالی
.
عم اوغلومون بابا من بیلمورم باشیندا نه وار
آناسی آغلاسا آرتار مصیبتیم یارالی
.
خدا اولا ئوزی راضی وفالی عمه مدن
شریک غمدی منه وار رضایتیم یارالی
.
همیشه «احمدیان» درگهیمده سائلدور
او سائله اولی شامل کرامتیم یارالی
.
اونا قیام قیامتده سن شفاعت ائله
منیمده قسمتی اولسون زیارتیم یارالی
.
.
#حضرت_رقیه #احمدیان_خسروشاهی
#حضرت_رقیه_شهادت
#واریمدی_صفحه_دلده_حکایتیم_یارالی
#ترکی
.
✍️ #زبدةالاشعار ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی