زبدةالاشعار

وقت او وقت اولدی یوموب گوزلرینی بلبل عشق #حضرت_رقیه #معروف_اهری

در شهادت حضرت رقیه (س)
.
✍️ زبدة الاشعار ✍️
.
🆔: @nohe_torki
.
کربلایی ابوالفضل عباسی معروفان اهری
.
.
وقت او وقت اولدی یوموب گوزلرینی بلبل عشق
اسدی طوفان بلا سولدی سارالدی گل عشق
قانلی لبلردن ئوپوب جنته ووردی پل عشق
میزبان ایستمدی تک سالا مهمانی یولا
دیدی دلبر گرک ئوز یارینه قربانی اولا
.
.
آلدی تا زحمتیلن قانلی باشی سینه سینه
شام ویراندا یاتانلار اویانوب ناله سینه
وای رقیه سسی ضم اولدی حسین وای سسینه
دل نسوان حرم درد و محندن یاندی
قره معجرلره بیر تازه عزا باشلاندی
.
.
اولدی وصلت گجه سی زینبه هجران گجه سی
شامده اولدی به پا شام غریبان گجه سی
بیلمدی نیلیه زهرا قئزی بحران گجه سی
الی قوینوندا گهی سسلدی قارداشیم وای
آغلیوب گاهی دئدی خورداجا یولداشیم وای
.
.
دئدی نسگلدی منه بو دل ویرانه حسین
غم و محنت گتیرور قلب پریشانه حسین
دولانوب دووروه از بس بالا پروانه حسین
عشقون عالمده بو عاشق سنه بیلدیردی حسین
قانلی باشون غمی پروانه نی ئولدوردی حسین
.
.
نچه گون شامده مهمانیدی بو نازلی بالا
سیلی لر باعثیدی قان گوزونه پرده سالا
قورخورام سن کیمی نعشی بالامون یئرده قالا
کوفیان تک وورا شام اهلی منه دیل دیل یاراسین
تاپماسام چاره کفن ائتملییم باش قاراسین
.
.
گون باتان وقتی ووراردی در ویرانیه باش
اگلشوب غصه لرین زمزمه ایلردی یاواش
هی دییردی گؤروشه اکبر و اصغر گله کاش
هم بابام هم عموم عباسی گله خوشلیارام
گلسه لر دای بو خرابه اتگین بوشلیارام
.
.
اولمازیدی غمی گوشواره گتیرسیدون اگر
چاره سیز دردینه بیر چاره گتیرسیدون اگر
اکبر و اصغری دیداره گتیرسیدون اگر
سبب اولدون بوشا چئخسون بالامین اللرینی
نه علی اکبری گتدون نه علی اصغریمی
.
.
گؤزونون یاشینی خون دلینه قاتدی بالام
سنی مندنده چوخ ایستوردی منی آتدی بالام
گؤردی قانلی گؤزی یومدی گؤزونی یاتدی بالام
نیله سون زینب اگر بو محنه آغلاماسین
سن دعا ایله که الله منی چوخ ساخلاماسین
.
.
#حضرت_رقیه_شهادت
#وقت_او_وقت_اولدی_یوموب_گوزلرینی_بلبل_عشق
#معروف_اهری
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  من تو را پروانه ام ای شمع سوزانم علی #فاطمیه #هدایت_تبریزی

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی