آدون دیللرده مولا یا اباالفضل #عباسیه_حقیر_خویی

حالات حضرت ابوالفضل(ع)
.
✍️ زبدة الاشعار ✍️
.
🆔: @nohe_torki
.
مرحوم میرزا عبدالوهاب حقیر خویی
.
آدون دیللرده مولا یا اباالفضل
اولوب مشهور سقّا یا اباالفضل
.
.
نجه سقا سوسوز گتدون فراته
یتیشدون خضر تک آب حیاته
گنه سو ایچمدون صبر و ثباته
وجودون دوشدی دارا یا اباالفضل
.
.
دوشوب اود تک سویا سو ایچمدون سن
سودان گچدون وفادن گچمدون سن
گلوب جوشه عطشدن دوشمدون سن
ائدوب غیرت تقاضا یا اباالفضل
.
.
سالوب اسکندر دورانی یاده
گتوردون عشقیله نفسی جهاده
بلی نفس ایستر عین مدّعاده
ائده ترک تمنّا یااباالفضل
.
.
سوئیله ایلدون مشگون لبالب
دونوب اؤز نفسوی قیلدون مخاطب
سو ایچمه ایچمه میش کلثوم و زینب
سوسوزدور آل طاها یااباالفضل
.
.
اَلا بعدَالحسین یا نفسُ هو نی
اَلا اِنْ کُنتَ بَعْدَه لا تَکونی
حسینٌ شارِبٌ شُربَ المَنونی
وَ اَنتَ تَشرَبَ المایا اباالفضل
.
.
فَلا واللهِ ما هذا فِعالی
قالا لب تشنه پیغمبر عیالی
حرام ائت نفسیوه ما ٕ زلالی
دگل نفسه گوارا یااباالفضل
.
.
سالوب پرتو ز بس عکس ظهورین
«حقیرین»باشینه آرتوبدی شورین
بلی آئینه ی قلبینده نورین
ائدوب اؤزگه تجلّا یااباالفضل
.
.
#عباسیه_شهادت
#آدون_دیللرده_مولا_یااباالفضل
#ترکی
.
✍️ #زبدةالاشعار ✍️
.
🆔: @nohe_torki