ورود به کربلا
.
زبدة الاشعار
?: @nohe_torki
.
حاج اکبر غفاری زنجانی
.
نه سببدن ایلیورسن
بو چولی وطن حسینیم
گورونور بو غم چولونده
اثر محن حسینیم
.
.
اوتوروبدی چهره لرده گورونور غبار محنت
وار اورک دوتان هواسی ای عزیز آل عصمت
اثر غمه بو چولده ندور ای حسینیم علّت
بو مکانی مسکن ایتدون سوله سن ندن حسینیم
.
.
خبرین ویروبدی جدیم ئوزی اولمیا بویردی؟
ئوزی بیر بلالی صحرا آدی کربلا بویردی؟
اولاجاقدی آل طاها غمه مبتلا بویردی؟
سن ئوزون بو ماجرانی منه قیل علن حسینیم
.
.
او بابام دیین یر اولسا اگر ای عزیز زهرا
بو چولون بلالرینه ئوزومی ایدوم مهیا
سن ئوزون دعا بویور تا باشما گلنده غوغا
منه اولماسون او غملر داخی بل بوکن حسینیم
.
.
منه قیل بیان بو چولده اولاجاق نه ماجرالر
قدیمی ایدر خمیده غم و رنج و ابتلالر
ئوزولر الیم ائلمدن گیدر الدن آشنالر
منه اوندا صبر ویرسون حقِ ذوالمنن حسینیم
.
.
نجه صبر ایدوم ئوزولسه الیم آلتی قارداشمدان
یری واردی سیل، الهام آلا اوندا گوزیاشمدان
کسیلر امیدیم اوندا اوجالار الیم باشمدان
منه تسلیت او ساعت کیم اولار دیین حسینیم
.
.
لحظات غمده آیا کیم اولار منیم پناهیم
اورگیمدن اوندا عرشه اوجالاندا دود آهیم
نجه صبر ایدوم، زواله یتشنده مهر و ماهیم
باجون اوندا واردی حقّی ئوله غصه دن حسینیم
.
.
یانورام حسین بو غمدن بیله غملی ماجرادن
بیزی آیری سالدی دشمن هامی خویش و اقربادن
وطنیم دوشنده یاده اورگیم دولور نوادن
بوگوزومده جلوه گردی منیم اول وطن حسینیم
.
.
اولا حیف الیم سنیله وطنه دوباره چاتماز
چوخ اولار یارام دوا بو دل بی قراره چاتماز
سنیله الیم حجازه او گوزل دیاره چاتماز
ئوپرم هاچان مزار حسنی، گورن حسینیم
.
#سبک_سو_یوخومدی_قزلاروندان (بیش از 5 سبک)
پخش‌کننده صوت
#ورود_کربلا
#نه_سببدن_ایلیورسن
#غفاری_زنجانی
#ترکی
.
#زبدةالاشعار
?: @nohe_torki
: @nohe_torki . مرحوم تائب تبریزی . . گل کناره ای آنام یادگاری زینبم آل الیمدن اوخلانان شیر خواری زینبم ویر غریب آناسینابیشتر
نظر دهید