زبدةالاشعار

خانه ی وحی اولوب جنت اعلا بو گئجه #اصغریه #بیدق_داری

میلادیه حضرت علی اصغر علیه السلام
#گریز به #اصغریه_شهادت
.
✍️ زبدة الاشعار ✍️
.
🆔: @nohe_torki
.
حاج داود بیدق داری
.
خانه ی وحی اولوب جنت اعلا بو گئجه
ماه گردون شرف ائتدی تجلا بو گئجه
نوریله زینت آلوب عرش معلا بو گئجه
دم دوتوبلار دیه لر اهل تولا بو گئجه
سنه احسان ائلین ذات تبارکدی رباب
اصغرون گلدی بو دنیایه مبارکدی رباب
.
.
.
.
خاندان نبوی شاد اولوب ای دل بو گئجه
سنده شاد اول اولاجاق حل مشاکل بو گئجه
صله زهرادی وئرن ایستسه سائل بو گئجه
وئردی مولایه خدا هدیه ی کامل بو گئجه
حمد لله بویوروب گلدی بو آیدین سحریم
قویدی دنیایه قدم کرب و بلا همسفریم
.
.
.
.
ملک عشقین بو بالا مِهر فروزنده سیدور
گنج عشق و شرفین گوهر ارزنده سیدور
سنّی چوخ آزدی ولی پیر خرد ،بنده سیدور
کربلا صحنه سینون خرداجا رزمنده سیدور
آدی تاریخه شرفدور گوزل آینده سی وار
گرچه از عمر ائلیر دولت پاینده سی وار
.
.
.
.
عطر جنت یایلور هر نفسیندن چمنه
گوزل آدی بو گئجه زینت اولوب انجمنه
گرچه دیلسیزدی ئوزی گلمیوب اصلا سخنه
هر باخیشدا سوزی وار غنچه لبیندن ئوپنه
گوئیا سویلر ئوپون آلتی آی عمریم اولاجاق
بو دوداقلار که گورورسوز عطشیندن سولاجاق
.
.
.
.
باغ زیبای حسینون نه گوزل لاله سی وار
آغلیان وقته جماله دوزولن ژاله سی وار
ماهیدور نوریله رخساریده بیر هاله سی وار
طفلیدور گرچه ولی پیرو صد ساله سی وار
چاره سیز درده طبابتده معالج تانینار
قارداشیم تک هامیا باب حوائج تانینار
.
.
.
.
اصغریم ناز ائلمز باب نیازه گلنه
باخسا بیر یول دیریلر اذن حقیله ئولنه
قلبینه غم گلی آینده ده سرین بیلنه
هله سالمدی قالوب قسمتی بولگی بولنه
گورمیوب تشنه لیگی یا که چتین مرحله نی
نه گوروب اوچ پر اوخی نه تانیور حرمله نی
.
.
.
.
کربلاده بو بالا اونداکی مهمان اولاجاق
جان به کف شیفته ی حضرت جانان اولاجاق
سو یولی باغلاناجاق لبلری عطشان اولاجاق
سو وئرن بو بالیا ناوک پیکان اولاجاق
گلمز اوندا بیری زهرا بالاسین یوخلاماقا
حرمله فوری گلر صود امری اوخلاماقا
.
.
.
.
اونداکی سیل بلا دشت غم افزاده آخار
دست صیاد جفا تیری کمان اوسته تاخار
اوخ نه اوخ صاعقه تک کرب و بلا اوسته شاخار
بو چتین منظریه حضرت زهراده باخار
اوچ پر اوخ بیر ایتی خنجر کیمی بیداد ائلیر
اوخ دگنده هدفه فاطمه فریاد ائلیر
.
.
.
.
ای قلم چک سوزیوی دشت غم افزایه طرف
وار یری آغلاسا گر بو غمه سلطان نجف
الده بیر ماه گلوب مقتله خورشید شرف
لشگر شامه اولوب اصغر ششماهه هدف
آیریلوب حرمله صفدن آیروب اوچ پر اوخی
من یازوم اوخدی و لیکن اونی سن خنجر اوخی
.
.
#اصغریه_میلادیه
#خانه_وحی_اولوب_جنت_اعلا_بو_گئجه
#بیدق_داری
#ترکی
.
✍️ #زبدةالاشعار ✍️
.
🆔: @nohe_torki

این متن را هم بخوانید:  ایشیقلاندی اورکلر دیور شادان ملک لر #کاظمیه #شایان_ارومیه

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی