اوغلون حسین عزاسى باشلاندى یامحمد #ورود_محرم_تابع_تبریزی

ورود ماه محرم
.
.
مرحوم تابع دین
.
.
اوغلون حسین عزاسى باشلاندى یامحمّد
سلطان دینه جانلار قربان دی یامحمّد
.
یا خاتم النبین گل دشت کربلایه
گور شاه کربلانی نالاندی یامحمّد
.
عاق اولدی کربلاده مهمانه میزبانی
شرم ایتمیوب حسینون مهماندی یامحمّد
.
سو یولّاری بو آیدا باغلاندی کربلاده
یکسر بنات زهرا عطشاندی یامحمّد
.
نی تک نوایه گلدی آل عبا سوسوزدان
سوز عطشدن اصغر اودلاندی یامحمّد
.
اللرده بوش سو جامی قیزلار گزور خیامی
سوز عطشله قیزلار گریاندی یامحمّد
.
سقّا آلوب فراتی دولدوردی خشک مشکین
صد حیف اولا سو مشگی اوخلاندی یامحمّد
.
ایکاش کربلاده بو شیعه لر اولیدی
بو محنته اورکلر آلقاندی یامحمّد
.
اذن آلدی شاهزاده اکبر گیده قتاله
لیلانی یاندیران بو هجراندی یامحمّد
.
قاسم حناسی اولدى قان دشت کربلاده
بیله طویا جوانلار حیراندی یامحمّد
.
بو آیدا تابع دین اشگین توکر عذاره
تیر غمیله قلبی شان شاندی یامحمّد
.
.
.
.
#ورود_محرم #تابع_تبریزی #ترکی #زبدةالاشعار